بدر السحيمي وعبدالله الجزلاني

بدر السحيمي

يامرحبا ياهلا واقلط على القاف=الاوله لك ماهي حظ السباعـي
حاضر ولاهو بتارك كل ميقاف=والظلم وارد ولكنـه مطاعـي

الجزلاني

دام البقا يا بدر مع كل محراف=لو كان يا خوك مالي فيك داعي
الهرج لا صار ما له روح ينعاف=مثل السواليف في النقل الجماعي

بدر السحيمي

سج القدم لاتهيب كل مشراف=لاتقطع الحبل يازين الطباعي
اللي يبا الحق لاتعطيه الاكتاف=الظاهر ان الرعيه دون راعي

الجزلاني

أحسبك ميلاف واثرك ماانت ميلاف=وش قرّب ايدينك لْروس الافاعي
يا صاحبي ما على الرعية اخلاف=والناس ماهيب من سقط المتاعي

بدر السحيمي

تدري ولاكن ترمي فوقها لحاف=لكن تحت القدم وانت ابذراعي
ايران حكامها فنقاش واخلاف=والمشكله فاحمدي خبث المساعي

الجزلاني

ياكامل العرف مدري كامل اوصاف=لا تبتلينا وتدخل في النزاعي
دعوى العرب تنتهي بعقول عرّاف=والراس صاحي لها والقلب واعي

بدر السحيمي

ياحاكم الظلم كم عديت كم طاف=لاتبيع ذمتك من شان الخزاعي
يازين هرجك ولكن مابه انصاف =الظاهر انك مكثر فالمراعي

الجزلاني

ماكل واحد سحيمي مثل صياف=لو كان ممشاك بالدفع الرباعي
صدمت ساع البريد وجبت الإسعاف=وانا احسبنّك اخوه امن الرضاعي

بدر السحيمي

العرف والطيب متوارث من اسلاف =اتجيب صاعك وصاعك فيه صاعي
فالمذهب الحنبلي ولا فالاحناف=واجب ترد الجميله لشجاعي