ياأهل المجالس كان قمنا نتوحى=للهرج وأهل الهرج ذم ومدايح
تلقى الحلوق من اكثر الهرج بحى=ويوم نضيق وعقب يوم انتبايح
واللي سموعه للنمايم فتحى=ومقفله عن ملقنين النصايح
ليا سمع هرجة منافق نطحى=مثل الصغير وفرحته بالفرايح
وجلس وكوع والاودام ذبحى=وخلى البشر قسمين ميت ونايح
قولوا وماقالت وقرب المضحى=في مثل هذا ماتفيد النصايح
الناس لوطاعت رسول نصحى=صارو سوا مافيه قايم وطايح
وهذه القـصـيـدةعليـها مجــاراه من الشـــاعر /علي هليل الحصني
ومن ضمنها هذا البيت//
تــاج الاصحى فوق روس الاصحى=وروس المهبل مثل روس الذبايح