فارس بني حرب/سعود المحجان/ماهر ابوناب/حزام ناسف

فارس=
يامرحبـا ياهلا في ليل والا صبــاح = حنا نعسف الصعيبه عسف ونحلهــاااا
سعود=
الطايره فالسما من دون ريش وجناح=ياحزام حذرا تجي لناس وتعلها
ماهر=
الله لعل البقا بالجد ماهو مزاح=ودموع عينك يافارس هلها هلها
حزام=
المزح خله مادامك بين زرق الرماح = والطايره ياولد وشلون تاصلها
فارس=
تموون يامـاهر ودام الدعاوي براااح = والا تعد النجوم الساريه كلهــ
سعود=
ياصبر مكه على الحجاج والبرق لااح==وانته جمل والحمول الكايده شلها
ماهر=
تهون لامنها صارت بضرب السلاح=واما تقص اليدين العوج بتشلها
حزام=
الذيب ياصاحبي عانه يحوف المراح = وأنته غفلة وجراره كيف تدلها
فارس=
لاصرت مثل البحر ثم شلت حملت رباااح = اهل المعرفه تصلك ولانت واصلهااا
احزام ليته عن الطاروق راح استراح=وثيابك البارحه لاعادك اتبلها
ماهر=
وين انت رايح تحداني بحملة صباح=والحملة الجايرة ماني بعير الها
حزام=
الحمدلله لقيت اليوم للرمي شاح = والرميه اللي تصيبك ياليت تفطنلها
فارس=
وش رايك اليا جعلنا العلم حسب المبااح =بنجيب قاضي وخمس اشهود وتفلهــاااا
سعود=
يالعثره اللي ثمان سنين عييت تزاح=ياحزام علم بها حربك ورح قلها
ماهر=
ماينزل الحر في منزل هبوب الرياح=قاضيك مع خمستك لاتلتك تلها
حزام=
العثره إنك عرفت الشعر يابو صياح = أثره ماعندك سيوف إحداد وتسلها
فارس=
والله ماعود على القاع الشحيح الضحاح = لكن من عبر العميا ومن دلها
سعود=
أشوف صدرك من الضيقه تضايق وفاح = قدام نفسك من الضيقه تبا تملها
ماهر=
مادام هذه علومك جبت عقد النكاح =فالقاع ترطن لكم بقعا وترطن لها
حزام=
أنا أنصحك ياعميلي كان تبغى النجاح = أحرص على الغاليه والفاضيه خلها