فــــلاح بــــن صــيــاف
يامرحبا من ضميرن مايـزل الطريـق=يحسب حساب الرجال ويوفي حقوفهـا
العام شفت الرياحي خاطرة فيه ضيـق=أهل المدينة رجالن تحتمـي سوقهـا
فــيــصــل الــريــاحــي
دام البقاء من هواجيسن بحرها عميق=مـا قـط باقتنـي الكلمـة ولابوقهـا
أن صديق النشاما مير خلـك صديـق=أغصان الأشجار خضرتها من عروقها
فــيــصــل الــريــاحــي
ماني محملـك يامخلـوق مالاتطيـق=الضيفة اللي عليها نقـص ماذوقهـا
العام يارجل حطينـاك رئيـس فريـق=حتى عرفنا وجيـه القـوم وفروقهـا
فــــلاح بــــن صــيــاف
نعطيك لفتت نظر لاصار مالـك لحيـق=إلا الذهب والجواهر وسط صندوقهـا
ماتبني العنكبـوت إلا بخيطـن دقيـق=فتل يديها من اللـي تفـرز إشدوقهـا
فــيــصــل الــريــاحــي
بعض السوالف نهمشها بدون إتعليـق=حتـى تكمـل محاورتـك وطاروقهـا
الشاعراللي يقابلنـي بوجهـن طليـق=امرتـه هرجتـي يفطـن لمنطوقهـا
فــــلاح بــــن صــيــاف
بعض السوالف تليق وبعضها ماتليـق=الناس تعرف غروب الشمس بشفوقها