قـصـــــــــيدهـ للشأعر الكبيـــــــر لافي بن نفجان

هذه القصيده أعــــتذار للشاعر الكبير/ لافي بن نفجان الشعبي العمري للأميرنايف بن ناهس الذويبي
رحمه الله تعالى عند ماصار عليه الحادث ولم يعلم الشاعر لافي بن نفجان إلا بعد مضي شهر
على حادثه فقال هذه القصيده يعتذرله عن التأخير

راكب اللـي مـن أمريكاوصلنا لـه إسبـوع =ختمولـه فـي واشنطـن علـي قسايـمـه
مـن حفيـزآ ناتجـه بالصناعـه خيرنـوع=مابعـد طـب الحـراج ولاشريطـي سايمـه
للهب عبارتيـن لزايـد الصـالـي تــزوع=البسـاتـم تـقـدح النارمـاهـي نايـمـه
جمس وحروفه بوجهه مثل وصـف الـردوع=فـي خـدود اللـي تـزف الغـرام لزايمـه
سبق صاروخآ جذبه الهـدف عجـلٍ يـروع=إنطلـق لنحـور سربـآ بـجـوه حايـمـه
يعجب السـواق مـع خـط والامـع قطـوع=هو غرض قطع الزراج لياء نحـت خرايمـه
يارسولـي قـم تولـم قبـل فجرالـربـوع=لحظـتٍ فيهـا النهـار مبيـنـه علايـمـه
لاتوقف دون بن ناهـس ولاتطـري رجـوع=أوصـل المكتـوب للـي عاليـه عزايـمـه
منتهاك اللـي صعـد فـوق للقمـه طلـوع=نايف اللـي مامشـى فـي طريـق اللايمـه
قل سلام ومنك أبا العذر يالسيـف القضـوع=ياشجاعـآ مـاكـره واضـحـه قدائـمـه
مادريـت الله يشافيـك يالـحـر البـتـوع=جعل عمـرك يطـول ولـك الليالي دايمـه
يالذويبي ياعلـم حـرب لوضـاق البشـوع=ماحسبـت حسـاب نفـسٍ حقود وهايـمـه
للحمـول الكايـده ترتكـي ماأنـت بجـزوع=يازبـون ويافـرج مـن زمانـه ظايـمـه
شيخنا اللي فيه مـن عنتـر وحاتـم طبـوع=رأس من روؤسآ قديمه فـي علـو القايمـه
بالوغأ من حاربوا صار تالـي اليـوم طـوع=عازمـآ لـوزاد جمعـه علـي هزايـمـه
لوتصلب بالشجاعه سرع ماأعلـن خضـوع=وإن تصعب موقـف الحـرب هـم زعايمـه
شيخ قومآ تمتلـك بأرفـع القمـه افـروع=لابتن تحمـا الدخيـل ليـاء فعـل جرايمـه
دخلهم فوق السنه شهرين والطالـب قنـوع=والعدواعينـه سهيـره وكـبـده صايـمـه
وأن حصل يومآ عبوس وفيه تحشيّدالجمـوع=النهار اللي تكون الشمـس ظهـره غايمـه
يـوم نجـد بـيـن مطـمـوع وطـمـوع=هم رجال الحـرب مهمـا ولعـت ضرايمـه
يوم لبس الجوخ وضرب السيف ولبس الدروع=يوم سكان الجزيـره فـي جهلهـا عايمـه

وتـقـبـلــــــوا تـحـيـاتـــــــــي