الطاروق الاول بين سليمان القصيري ومنيف المنقره

	منيف المنقره= ياسلامي سلام(ن) حر من نفس حره =من هجوسٍ يحب المرجله والرجاله كان ابو زيد جاب العلم لله دره =ينطح القوم وقت الهوش لو هو لحاله سليمان القصيري= مرحبا عد ماتطلع نجوم المجره = بركي ياسواني عند جنب المحاله كل بابٍ وراه الشر بالك تمره = قلتها يازميلي من شروط الزماله المنقره= نطح الضيف يانهاج حلوه ومره = واعرف العقل مشيه غير مشي الجهاله انت مانته زميلي انت حربي تشره = وكان ماعجبك هالموضوع جبنا بداله القصيري= نعرف المحترم مايمر باب المغره = العرب صارت بحاله وابو زيد حاله وابك خل الركايب بين وادي وحره =انتهى يامنيف اليوم وقت الجهاله المنقره= جر قوس الربابه روس الليل جره =والولد كل سره بين عمه وخاله انت لو كنت ذري كان فجرت ذره =او صلتك الرساله ماقريت الرساله القصيري= انت ياللي تفل الشر مدري تصره =ابك انا حربيٍ يحكم بحكم العداله عارفك ترخي الموضوع والا تزره =والرجل مايوصى في دروب الرجاله المنقره= والنعم بالحروب وصاحبي باح سره= ورتكا بالرعد بالكذب والا جماله انت لو تنفع المخلوق ترجع تضره = ولا يصام رمضان الا بشوفة هلاله القصيري= ول يامنيف حرٍ حر ماذقت حره = كل مامر جالٍ قام يصفق بجاله انت ابا انشدك من ضريت حتى تسره = وكل طيب ينشد وين عمه وخاله المنقره= جاء مكرٍ مفرٍ فيه كره وفره= جيت ابا اقول له هالهرج والشيخ قاله زر راسك ليا هبت على الناس ذره =واحذر لخصمته ماهي بقافن وكاله القصيري= انت ضمن اليتما كل ما اوحيت صره =ضلل الراس يارجال حدر السياله تابع الخير خير وتابع الشر ذره =اشرب الكيف بالفنجال خل البياله المنقره = انت حربي وفعله ماتعدى مقره = مانته ابن رشيد ولانته ابن طواله