يازعيمٍ كل جزله تستويله

السلام عليكم ورحمة الله وبركاته
اهديكم هذه الابيات وقد قلتها بمناسبة زيارة الشيخ /محمد بن عبدالمحسن الفرم شيخ بني علي واللذي قام بزياره خاصه لامير دولة الكويت الشيخ/ صباح الاحمد الجابر الصباح ومن ثم افراد القبيله بدولة الكويت وكان ذلك سنة 2007م ومن ثم لبا دعوة الاخوان /حمد بن منادي الصبيحي العلوي واخوه المهندس /صالح بن نداء الصبيحي نيابة عن الجميع اطال الله باعمارهم وعساهم على القوه اهل الجزاله والعلم الغانم من عوائدهم الصبحه وقد زارنا بمدينة الخفجي وكنت ضمن شعراء هذا الحفل المقام على شرف ابو فيصل بقاعة الخفجي للاحتفالات والقيت هذه الكلمات راجيا ان تحوز على استحسان الجميع

بسم من كل الخلايق تلتجيله=واحدٍ من سو بقعاء يلتجابه
عالمٍ غيب البنادم وش حصيله=واحدٍ ماصك عن داعيه بابه
بعدها حييت ياشيخ القبيله=انت والحضار من اصحاب وقرابه
يازعيمٍ كل جزله تستويله=مع هل الطولات ورجال المهابه
ياولد من يرعب الخيل بصهيله=يومها غارات فاليمنا نهابه
من صداها تمرج الخيل الاصيله=صيحهٍ منها الاصايل مستصابه
له فعولٍ معجزات ومستحيله =بدس طير من الغزو خلص ركابه
لاتعزو ماوقف قدمه قبيله=اخو حسناء كم صنديدٍ يهابه
سيفه الفسقان كم راسٍ يشيله=لاتعزو بالشريده واعتزابه
قدم حمول الخيل لاقاد الدبيله=في ظهور الخيل جمعٍ يندعابه
يوم ضرغام العرب ولع سبيله=ويتحدا وكفو محسوبٍ حسابه
قام ابن فايز وقال انا عميله=جاه حي جنازةٍ روحه جلابه
قال هذا هالني يالله تهيله=كيف ابانطح ساكرٍ وقت الحرابه
مانميلها ولا بالهرج ميله=والفعول الطيبه مع كل لابه
عن حمول الخيل ذي نبذه قليله=اختصرنا الهرج واوجزنا الاجابه
للقبايل مثلنا فعولٍ مهيله=من زمان اليوم وايام الصحابه
راح عصر الجهل واصبحنا قبيله=صف واحد جنب ميال العصابه
كلنا نفدا راع اليمنا الطويله=بكل موقف صعب ناقف مع جنابه
بدو بدو مابنا نفسٍ ذليله= والحضر اشرس واشر من الذيابه
واللحى اللي بينا صارت دخيله=كل جحرٍ ذابحيننٍ فيه دابه
ضايعين الراي مافيهم دليله= ساريين بليل ماهو ينسرابه
ابن منادي اشكر واذكر جميله=هيلعين طول الله في شبابه
الصبحه رجلهم مافيه حيله=رجلهم نجم شمالي يقتدابه
مثل هديب الشام حمله يرتكيله= عن بني عمه وشاله فالنيابه
رجلهم واضح وصوف ولايبيله=الشجاعه والكرم به والذرابه
وختمها مع كل ركعه وتهليله=الصلاه على النبي مع كل جابه
راعي حوضٍ جعلنا نارد سبيله=جعل كلٍ ترفع اليمنا كتابه
يوم مايفزعٍ خليلٍ مع خليله=واهني من صارت الجزله زهابه