أبــن مـبــارك الـحـربـي + بـــنـــدر الــعــوفــي

أبــن مـبــارك الـحـربـي :=
ياسلامي عليكم ثان عيـد الضحيـه = وزهمولي زعيم الشعر قايـد عربنـا
ياابو متعب فداك اللي يلاعب خويـه = شب نار الملاعب خلهم هـم حطبنـا
بـــنـــدر الــعــوفــي :=
عد وبل " السماك " وديمة " العقربية " = مرحبا بك بعد ما فالمكـان انتصبنـا
قبل ناخذ ونعطي قول ويش القضيـة = ودي أعرف ولا تبعد ومنّـك قربنـا
أبــن مـبــارك الـحـربـي :=
القضيه يا ابو متعب سـلام وتحيـه = ساحة اللعب نقوها من الـي قشبنـا
اسمع القرقعه واقول ويـش الوحيـه = أثر بعض الرجال يـردد الله نكبنـا
بـــنـــدر الــعــوفــي :=
أعذر الجاهل اللي عاصر الجاهليـة = ما درس ما تعلم من مناهـج كُتبنـا
بحذف اللي تناقز فوق ضلع الحويـة = قبل تتلف مزارعنـا وتاكـل عنبنـا
أبــن مـبــارك الـحـربـي :=
والله اني لاخلي كـل يحضـر وليـه = ثم يكتب تعهد عمرنـا مـا لاعبنـا
كان جت للمعاني والبيـوت القويـه = هنا صرف الذهب والحمد للي وهبنـا
بـــنـــدر الــعــوفــي :=
مشكله كان صار الرجل عقله شويـه = إن لطمته فشيله وإن تركتـه نِشبنـا
أشكرَك وأطلب الله ينكب أهل الخطيه = وأعتذر كان ظرف الوقت عنكم نهبنا
أبــن مـبــارك الـحـربـي :=
ان تركته ترى تحسب علينـا رديـه = ألطمه لاتجامل يابـو متعـب بدبنـا
مار اشوفه رحم نفسه ونـخ المطيـه = أعتزل والملاعب عافها مـن سببنـا