جساس يالربع هو جساس الزير والا غير

جساس يالربع هو جساس الزير والا غير=ماني خابر الفتنه تثور الا مـن اسبابهـا
ثار الكليب لاقضيه الليله لاقضيه تعزيـر=واقضي على الفتنه واسكرها و ابوابهـا
العذر حنا وصلنا العلم وقـت الأخيـر=والناس من عصر تكتبهـا وتقرابهـا
جساس شاعر ليا من جا النهار الكبير=ياقف مواقيـف ربعـه ويتعزوابهـا
اهلا هلا والله خابر انك كفو ياسالم الزير= ومن غاب مقبول الاعذار لو انه ماحكابها
والنعم بك تلحقك الانعام وين رحت وتسير= ان انشهد انك تعزويت ولقيت ياشبابها
أثرك ذيب الجبل في كل ليلة تغيـر=لكن قدمك ذياب(ن) حـدت أنيابهـا
مايقبل العذرغير اللي سواتك كبيـر=ومن لا قبل عذرنا مانحسب أحسابها
على هونك لاتنفجر والا علينا تجير = ترى دنياك ماتسوى مثل ترابها
ومايرى الناس مثله الاعقله صغير = مايحسب للمراجل ولااظنه درابها
مادامها جاتكم مافيه عظم كسير=تقبلوها ما دامه كامل نصابهـا
أنته تعاين بعيد ولا نظركم قصير=ياشين زمل البدو منعاجة أرقابها
هوانتهى المفهوم والا جاتك شطير== ماظنيتها تبعدك يومين وتهجابها
انا لشوفات من اللي علمهم غزير== ماني من اللي بالمواجه سرابها
أنته تشوف البحر يالذيب يهدر هدير=ياراعي البندق اللي وين مضرابهـا
واللي معه يالسنافي ريش لازم يطير=مير أهل مكة تراها تعرف شعابهـا
انشهد انك منتا بجساس انته جرير = واسلم يابن عمي ولاهنت اجوابها
ترى سجت(ن)معك كنهاحزت عصير= اشرب من دلالك وعلومك اسلابها
هذا شهادة تسجل يالزميل الكبيـر=والكلمة الطيبة من طيب من جابها
وتحية وافيه تخلط بمسك وعبيـر=في ملتقىً جمع الأصحاب باصحابها