ياهل الهواء ركب الغرام اعتلقته

ياهل الهواء ركب الغرام اعتلقته = وقام يتجول بي على الارض ويطوف
مريت بحر اهل المحبه وذقته = وكتبت فوق امواجه ارقام وحروف
وعارضت لي فارس سبوق وسبقته = وسويت به تسعه وتسعين معروف
وقابلت مجنون يصيح وصفقته = لوكان ماني بالمجانين مكلوف
عديت في رجم المعالي وقته = ونادي ياسالم ويعمر ياعوف
ومريت باب الاربعين وطرقته= وخذت عنده دور لاسمع ولاشوف
خمس وثلاثه ونفهق مافهقته = واني على حلت معازيب وضيوف
قوم يروع ذكرهم لانطقته = قوم على البيدا لهم شان معروف
منهم تعلمت الهواء وعتنقته = وصبحت اهل دموع عيني على نوف
واشيب حالي من عشيق عشقته= يتلني عشقه على الامن والخوف
المال سقته فيه والحال سقته =ورخصت له ما بالمعاليق والجوف
لاباق في ولاوعدته وبقته = لكن وليه عودَ اقشر وملقوف
عياعليه وضاع وقتي وقته= هم ورجاء وحزان وهموم وضروف
وان قلت له جمع فريق فرقته= ارجوك لاتفرق موالف ومالوف
ضاق وكفخ طيره وغارت سلقته = وجاب العلوم اشكال ولوان وصنوف
شبت وتعبت ومقصدي مالحقته= وروابعي صارت ملايين وولوف
واناعلى ميثاق عهدَ وثقته= لعيون من بعيونه رماح وسيوف
طالبك يالي كل حي رزقته = تعطف علي وترحم الحال وتروف

رجالله المحمدي رحمه الله