ديوان الشاعر عجاب صالح الحنتمي المزيني

يقول ابن حنتم بجزل المحاريف
ابيات توقض كل قلبٍ فطيني

ياما بهدنيا جرالي تخاليف
مثل الكسير اللي يجر الونيني

من بعد مارقب عاليات المشاريف
وسعى بها ماني كسولٍ مهيني

لكن حضي دوم ركبه مناكيف
لو زان يوم ايبور عدة سنيني

واليوم والله ماعليها تحاسيف
تزين والا ياعساها تشيني

من الكبر والعجز حتى السواليف
مليتها يالله لمثلي يعيني

شفنا بها كثر الغلط والتخاليف
ومن ماتشوف العين واشيب عيني

راحو وخلوها رجالٍ عواريف
وغنا بها طير الرخم والحصيني

اهل الشيم واهل الصخى والمواقيف
ذباحةٍ للضيف كبشن سميني

مرحانهم تذرى عليه العواصيف
اللي من اول فوق عدٍ قطيني

عجاب صالح الحنتمي