تركي الشيخ وغازي الزغيبي قديمه

محاوره قويه ورائعه بين الشاعر تركي الشيخ والشاعر العملاق غازي الزغيبي

تعال ياغازي العملاق عندي كلام = هرجة عقل من ضميري بان مقصودها
العام تمشي معي ياصاحبي بالنظام = واليوم تشقح رسوم الناس وحدودها
ياتركي الشيخ ياولد الرجال الحشام = وش هي علومك وفند ليه ابنودها
العام ريمه عليها اشداد فوق السنام = والعز قدامها والمخ بعضودها
العلم لفتت نظر يمة رفيع المقام = فالكلمه اللي يضر القلب مردودها
المشكه ياوسيع المعرفه بالخطام = لادنى سبب جيتنا ياغازي اتقودها
لفت النظر مايخل الرجل ينسى السلام = لن قلت باعودها وان قلت ما اعودها
النقطه اللي بوسط الدايره عنك شام = بالعسر ياهونها واليسر ياكودها
حبل الصداقه تقطَع ياكبير الجهام = من عقب ماجاتنا الهرجه ومنقودها
من بعد هذي لك الله ماعليكم ملام = جبت الفتايل وجيتك ناقل ازنودها
مابيننا الا الادب ومبادل الاحترام = مافيه حجه تصدق غير بشهودها
وان طعتني وان عصيت انصحك سل الحسام = واضرب على الكايده ثم بيح اسدودها
لاصار عمرك تعدى فوق خمسين عام = ماتحسب الصادره لاجاتك اورودها
ما لك ومال الدعواي ياكسير العظام = هلت عليك المزون وحنت ارعودها
كم لك تفلت عليه في خشيمك عرام = لن القراده تدور وين مقرودها
وان كان حديتني لمواجهه الانتقام = سحاب صيفٍ تغير وجهته نودها
بعض السوالف حلال وبعض منها حرام = يالجمره اللي تدخن لا انكسر عودها
حنا هل الاوله لاصار عج وعسام = لاتقرب النار يالعملاق وترودها
ياليتني مستريح امن العنا من شمام = نوختها ثاني اعقالين بعضودها
اوزيت يدك الكريمه في فواة الهمام = والموت بانييابها والسم بجغودها