( علاج الرّوح ناج اللي خلقها غير يسعدها )

خالد بن عبيد بن معتوق الأحمدي

سلام بردِةٍ تسمو على خصمي ووارّدها
بداية خير بالطّاروق في راحه وترويقه
اشوف احبال معقوده واعرف اللي معقّدها
وانا حلّال عُقدتها بامر ربّي وتوفيقه

حسن بن علي البشري

تراحيب الوفا منّي على شرواك أردّدها
علومك تشرح الخاطر وتجلى الهم والضيقة
وانا اشوف السّحابة برقها من دون راعدها
وهمّال السّحابة بين تغريبة وتشريقة

خالد بن عبيد بن معتوق الأحمدي

يدوم الك البقى وزعه تقدّمها وتحصدها
وجودك يسعد الخاطر وخذ علمي بتصديقه
انا روحي تناجيني على نيران موقدها
ولاني قادر اسعفها مادام الوضع ماطيقه

حسن بن علي البشري

يقولون العرب من دوّر الحاجة بياجدها
ومثلك ما عليه قصور ما شي حاجة تعيقه
عسى ما باس يا شاكي من الجمرة وواقدها
عسى كاويك يكويه الزّمن فأقصى معاليقه

خالد بن عبيد بن معتوق الأحمدي

بلاي الهمّ صاب الرّوح مشقيها ولاهدها
ولاردّت جنود الياس علم آريد تحقيقه
اعرف انّك رجل فاهم وذي زلّتك ننقدها
انا محدٍ كوى جلدي عسى جلدك بعد تيقه

حسن بن علي البشري

علاج الرّوح ناج اللي خلقها غير يسعدها
ما يغسل همّها إلاّ اللي جعلها من مخاليقه
تعرف انّي واعرف انّك من وساعٍ بنايدها
ما ياتيك الخطا منا يا صقرٍ فوق تحليقه