ردي على قصيدة شاعرنا القدير خالد بن عبيد اﻷحمدي (( علم اﻷبراج ))

السﻻم عليكم


(( علم اﻷبراج ))
مساجلة شعرية بين الشاعر خالد بن عبيد اﻷحمدي الحربي والشاعر فواز بن محسن الزويهري الحربي
-------------------

البدع صقر المراقيب
الشاعر خالد بن عبيد اﻷحمدي
-----------------


فـوّاز اعرفـه زيـن ماهـو بـهـرّاج
رجل ٍ رزيـن وذوق راعـي بصيـره
راعي وقار وسمح مايعقد احجـاج
محشـوم ضيفـه ويتهنَّـى قصيـره
من ينشـده يلقـى بجابتـه مخـراج
للبال بعد انّـه بلـش وسـط حيـره
ياداهـيـه بـتّـاع للـضّـيـق فـــرّاج
في نشدته يرتـاح مـن يستشيـره
هل صدق يافوّاز في علم الابـراج
كـلاً حسـب برجـه يحـدّد مصيـره
هذاك برجّ الحـضّ لـه نـور وهّـاج
وهذاك فيـه النّحـس لنّـاس طيـره
ولاّ خرافه سيطرة فـي عقـل داج
ويسوقهـا دجّـال نفسـه شـريـره
واهل الفلاحه برض طيبه والافلاج
حسب النّجم زرع النّخل والشّعيره
والبعض فهلّ الهند مايحصل ازواج
إنكـان مابالنّجـم طـابـق خشـيـره
والله ذكر فكتـاب لـك خيـر منهـاج
مـواقـع ٍ للـنّـاس حـاجـه مـثـيـره
فيها جدال يدور كم يحصـل احـراج
ومن يملـك الحجّـه ايحيّـر نظيـره
وقال الخليل ابدون لايطلب اعـلاج
بعـد نظـر فالنّجـم حالـي خطيـره
جـاوب علـى النّشّـاد يابيـر هـدّاج
واسقيلـه افكـاره بحـاجـه منـيـره
وآمنـت باللـي منـزل ٍ مـاء ثجّـاج
الواحـد الـلـي عـالـم ٍ بالسّـريـره

-------'-'





الرد الشاعر فواز بن محسن الزويهري
---------

للهرج عندي يافتى الجود معراج
وهرج مهو فحينه حروفه كسيره
واللي جعل للقول منتاج وإخراج
يظهر على الشاشه بغالي حريره
وأنا اعرفك صقر ن على الطيب سجاج
وكرك على روس الحيود الشهيره
ياخالد بن عبيد اسرجلك اسراج
يالشاعر اللي له معاني كثيره
البرج ويش البرج لو يلبس التاج
مايروي الضميان وينفع شويره
البرج يمشي في فلك مابه اعواج
بحساب من ربك مسير مسيره
مخلوق والمخلوق في حكم وسياج
حبال قدراته رموث وقصيره
وأهل الزراعه تحسب الوقت لنتاج
يطلع على حساب النجوم السفيره
والنخل يلقح ﻻغشا جوه اعجاج
بأمر الكريم اللي عزومه قديره
وﻻتنظر لمملوك عن مالكه هاج
يعبد بقر والرب كافر بخيره
والنجم زينة وشهب ترما لصناج
السارق لخط القلم من صريره
وتهدي مسافر بحر أو سالك فجاج
والجدي ثابت يعرف بكل ديره
وأبو الرسل إلمنطق العقل محتاج
أسلوب فالدعوه ﻹقناع غيره
القلب سالم مير ورا للافواج
وكسر إله القوم وابقى كبيره
هذي عقيدتنا وتفرجلك إفراج
واللي يخالفها حياته مريره
يروح ضحكه بين خارج ووﻻج
وأهل الدجل تلقاه لقمه يسيره