( ننعيك يانايف بعد عشرة سنين=ماهو بدينا مير حكم القدر فات )

/
/
/
/
/
/
/
/
/
/
/
/
/
/
/
/
/
/
{مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا.
تَبْدِيلاً } صدق الله العظيم

( بعد ان تلقيت خبر وفاة صاحب السمو الملكي
ولي العهد ونائب رئيس مجلس الوزراء ووزير الداخليه
/ الامير نايف بن عبدالعزيز آل سعود
رحمه الله واسكنه فسيح جنّاته ).
السّاعه الثانيه مساء يوم السبت
الموافق 26 / 7 / 1433 ه
كتبت هذه الابيات والتي لاتوفيه حقّه رحمه الله
( انا لله وانا اليه راجعون )
........

يوم اعلن الدّيوان فالسّاعه اثنين=والعلم مضمونه وليّ العهد مات
وقع الخبر يومه وصل للعرب شين=صدّمه كبيره بالمصاب الجلل جات
ننعيك يانايف بعد عشرة سنين=ماهو بدينا مير حكم القدر فات
حامي حما سنّة محمد ولاتهين=وتدعم دواعمها بكل المجالات
سيّد هل السّنه وناصر هل الدين=بوجودك السّنه لقت طيب وقفات
ملجا لها يوم العسر يغلب اللين=رجّحت كفّتها على كلّ كفّات
منك الروافض شافو الذّل بالعين=وطّيت روس كبارهم بالسّهيلات
ولكل لبرالي تقف موقف مدين=وعن هيئة المعروف ماغبت لحظات
ياهازم الارهاب والفسق في حين=انته محارب من جميع العصابات
مثلك محنّك منصبه يخلفه مين=نبغى شبيهك بالعدل والمساواة
ودّعت يانايف حياتك على الزين=تاريخ حافل يالبطل بنتصارات
نطلب لك اللي خالق الانس من طين =يبدل لك السيّات يامير حسنات
ويسكنك فالفردوس دار المصلّين=ويوردك حوض اللي ختم للرسالات

الشاعر / خالد بن عبيد بن معتوق ألأحمدي