ضيقة البال

	المشاركة الأصلية كتبت بواسطة خالد الحصني

	ياضيقة البال وين اروح ووجه = لا الارض تاسع ولا لي عنك معراجي حتى ضلوعي لها من شدتك لجه = وقامت تحنى على صدري وتنعاجي لا ني معومس واسوق الرجل في سجه = ولاني مريض يعالج واكل اعلاجي يحجني واحد ماله علي حجه = لكن حكم الزمان وليله الداجي الصدر ما كل شي ضايقه زجه = من خوف هراج و الاخوف الاحراجي لو ضايق القلب همه والنحر فجه =ما يذبح القلب غير يعود الادراجي الضيق يشكى على الي فارض الحجه = واليا شكيته على الله منت محتاجي مشيت والله مدري وين متوجه = لكن مافيه ضيق الا له افراجي الحال تلفان والافكار مرتجه = وابعد من الشمس عني ضحكة حجاجي وفي خافقي قامت هجوسي لها ضجه = يلفن عليه افراد ويلفن ازواجي ياحلقن يشهرنبي واصل الجه = ونحولن وردني عد هداجي القابهن عن مكابدة العناء هجه = ويبين تاثيرها على اخر انتاجي في وقت قاسي وشمسه دونها عجه =جفة عيون الحسا وعيون الافلاجي كل يعاني وكل فيه معوجه = ما رتاح فيه الضعوف ولا هل التاجي دنيا عناترهق الانسان وتحجه = لو همها ما يساوي ضيق وزعاجي

الله الله الله على الابداع
صح السانك ملايين في ملايين
صح السانك مدد ماهو عدد
صح السانك يابو موسى حتى ترضى
والله لو اكتب عنك ياشاعرنا العلم المميز المبدع الراهي الجزل لن اوفيك حقك لله درك
تقبل يابن العم الوافي تحياتي وتقديري