( لكسز جديده تشبه القنديل=لاشبّ نوره واشتعل كازه ) .. مساجله

/
/
/
/
/
/
/
/
/
/
/
/
/
/
/
/
/
/
/


بدع الشاعر / عابد بن عبيد المدني=

ياراكب اللي مشيها بالميل=امديله اخر وارد اطرازه
لكسز جديده تشبه القنديل=لاشبّ نوره واشتعل كازه
املمّع البودي مع التظليل=وجنوط محبوكه ومنتازه
يسري من اغميقه فتال الليل= ويصبح طريق اخليص مجتازه
ينصى ولد معتوق بالتوصيل=لاجاه مرسولي بمركازه
غلّق سواليفك وشرب الهيل=واعطه علومٍ تاصله طازه
واشرح له الاوضاع بالتّفصيل=وإذا تعبت اعنز بمعنازه
قلّه ترى عابد لحقه الويل=بسباب حبّه ساير اجنازه
من بعد هاك الجسم صار انحيل=واكله على شربه بمزّازه
من حب عقّد بلا تحليل=ومثلك ذهين ايحلل الغازه
والهجر بعد الصّد والتنكيل=للزّين ذيك اصفات منحازه
ياشاعر ٍ بالشعر ساد الجيل=مشهود له في طيّب انجازه
والعلم منّي وجاك القيل=عليك تحليله مع افرازه

رد الشاعر/ خالد بن عبيد بن معتوق ألأحمدي=

يامرحبا بك راعي التّكميل=واللي لفا بالخط معتازه
ياخذ خبر من عندنا وايحيل=خطّ العزيز ايرد لعزازه
يسري على اللي صنعها تهويل =بنزٍ جديد الفحص بقزازه
تدعى بنوراما بشاص اطويل=وفمقاعده شاشات تلفازه
ينصابه اللي يذبحون الحيل=قومٍ لعين الحسد نقّازه
منزالهم ديره لها تبجيل=داخل وطنّا بطرف احجازه
الليث ديرة ليث زايد حيل=وطبع الشجيع ايكيد نبّازه
مقصودنا عابد عسيف الخيل=ويااللي حملّه علم فحرازه
سلّم عليه واقول يالحلحيل=اجعل رايات الصبر رزّازه
لايشوف دمعك على المنديل=ناسٍ بذاك الوضع نهازه
الود سجن ٍ عقدته مااتزيل=إلى بعزم ٍ يكسر احجازه
ودون الحيل ماتنقض التفتيل=واللعب دوّر مين فوّازه
وانجات لك فرصة حياله حيل =واعمل لربّ البيت ماجازه