قصيدة حفل معايدة قبيلة بشر من بني عمرو من حرب في عسفان الموافق 3/10/1432

هذه القصيدة القيتها في حفل المعايدة الأول لقبيلة بشر من بني عمرو من حرب 00وذلك في قصر البشري

بمحافظة عسفان الموافق 3/10/1432للهجرة 00أرجو أن تنال اعجابكم واستحسانكم 00

1-مثل الحيايوم الرياح تقوده=يلحق سنابرقه حنين رعوده
2-اسقت مزونه كل غصنٍِضامي= واخضرّ واوّرش من رواها عوده
3-هلت تباشير السعد وافراحه=وحلت على حفل الكرام وفوده
4-وهلت هواجيس الشعر وافكاره= وقطف المعاني زان من عنقوده
5-في ليلة رب الملا وفقها = واسبغ عليها من نعايم جوده
6-ازكى شذاها من عبير زهوره= واطيب هواها من نسايم نوده
7-يامرحبا ترحيبة نعلنها = تضفى على ليل الفرح وسعوده
8-في حفل بشر اللي عزيز بناها= وافعالها بين العرب مشهوده
9-اهل الحميه والكرم ماقفها = طيب الفعايل حجته وشهوده
10-عز الخوي والجار لاجاورها=واللي يعاهدها تصون عهوده
11-وكل القبايل ماعليها قاصر=العلم تحمي صدّره ووروده
12-ومن عز ربعه مايلومه لايم = الحر طبعه يفتخر بجدوده
13-{والله يبيّض وجه راع الفكره}= الحق لله فكرته محموده
14-والله يبيض وجه من ساندها =وصارت حقيقة للعرب مشهوده
15-رتّب ونظّم حفلها ماقصر =ماشح من ماله ولامجهوده
16-والله يبيّض وجه من هو جاها =وشرّف مراسم حفلها بوجوده
17-واليوم واجب كلنا ندعمها = حتى تصل للغايه المنشوده
18-فكرة ويكفي من نباها ابقت=حبل الاواصر بيننا ممدوده
19-في وقت متقلب 00معقّد00صارت= فيه الروابط والصلة مفقوده
20-والله يحفظ للبلد قايدها =وبالعز تبقى شامخة مشيوده
21-وحنا لابو متعب سند يلقانا= في كل موقف قوته وجنوده
22-والخاتمة صلوا على من نوره= يجلى الظلام وسنته موروده
23-المصطفى احمد شفيع الأمة = في يوم ميعاده وحشد حشوده