اطوف الغلطه

بسم الله الرحمن الرحيم

السلام عليكم ورحمة الله وبركاته

"


زعل على احد الاصدقا وانا غلطان في حقه ولاكن لم اكن قاصد له الخطا
وهو شخص عزيز وغلط عليه شخص اخر من حسن نيه
/
وارسل لي هذي الابيات معاتب ومبين لي شخصيته وموقفه
وتم الرد عليها

واتمنا ان تنال رضاكم

(
قال صديقي
)

اطــوف الغلـطـه مــن فــلان وفـــلان=يـعـنـي لـجــل عـيـنـك بـتـكـرم مـديـنــه
الكامـل الله والخطـا طبـع الانسـان=والــدرب يـفــرق عـــن يـســاره يمـيـنـه
والصاحب اللي له معزه وله شـان=ان جــانــي بـشـيـنـه تــذكـــرت زيــنـــه
اتحمل اخطائه معي قدر الامكان=مــن جانـبـي تبتـقـي العـلاقـه متـيـنـه
والــلـــي يـغـلـطـنـي ولانـــــي بـغـلـطــان=عـمـر البـحـر مـاشـال هــم السفيـنـه

/

وهذا ردي

وقلت له

الصاحـب الـلـي كــل يـومـنً بعـنـوان= مانفقد امثاله ولمــدوريـــنـــه
الآ علـى شخـصً لـه القلـب ولـهـان=لازارنـــــي طـيــفــه تـــعـــم الـسـكـيـنــه
هــذاك ماننـسـاه مـــع مـــر الازمـــان=لـــه صـــورةً جـــوف الحـنـايـا دفـيـنـه
الـيــا خطـيـنـا رد بالـطـيـب وحـســان=راع الـوفــاء والـطـيــب ربــــه يـعـيـنـه
راسـي كمـا ترسـي صلافـيـح ورقــان=مـانــحــرك إحـــيـــوده ولامـزحـزحـيـنــه
دوبـك علـى قلبـي ولاتكـون عجـلان=ثمـري تصـاقـط قـبـل لايـكـون حيـنـه
نفتح معك صفحـه جديـده مـن الان=واقـــــدم اعــقـــودً مـــــن الـيـاسـمـيـنـه
يعني على ماقيل غلطـه مـن لسـان=هـــــذي بـسـيـطــه حـلــهــا عـارفـيـنــه
من دون تشكيني ومن دون حلفان=ومن دون شاهد صـادق امصدقينـه
اخطيـت فـي حقـك وبالحيـل نـدمـان=وأحـكـم عـلـيّ حكـمـك تــرى قابلـيـنـه
واقسـم بـرب البيـت مـاتـروح زعــلان=واتــغــادر ديــــاري ونـفـســك حـزيـنــه
ابقا معاي ارجوك وانسـا الـذي كـان=ولا تــــــرى درب الــعــنـــا سـالـكـيــنــه

/


وسلامتكم


/