حسان وأنجشه الأوائل والأواخر

شاعـر الاسـلام حـسـان الاول والاخـيـر= والبلاغه في علي والحداء عند انجشه
واول الاسهم رماها سعد من غير امير= قـبـل مـلـح الانقلـيـزي وقــدام انـمـشـه
والـوزاره بيـد الانصـار قلدهـا البشـيـر= قبل ابـن خـلال يطمـع بذيـك الأ عرشـه
لوقريش اليانـوت صبـح تدعـو ياثبيـر = أشرق أشرق صبح ليل تنادمه اغرشـه
الاوايـل لوتـحـدا كبـيـر امـسـى صغـيـر = حـازوا الصحبـه وحزنـا رقيـق الأفرشـه
كـل شاعـر بعـد حسـان ضامـر لاضميـر = سيـف دولـه لاتـقـدم لـقـا مــن يدهـشـه
نظم سوقي مايسوقك عليـه الـى غريـر = لابلاغـه لـك شعـار زمــان اكـلـك عـشـه
ابتحلنـا كيـف نفـرق صهيـل مـن هديـر = عولمـه وعــلام عـالـم حشا متـدروشـه
لونقـدت اعـلام قالـوا اكـيـد انــه اجـيـر= انبـذوه يعيـش فـي جــو لـومـا ينعـشـه
مثل هذا يفسد السوق والموقف خطير= تنكشف عورات ادبنا ونصبـح ملطشـه
معركـة اقـلام واسـوق مــن هــذا كثـيـر= كم وكم عاشت مواهب تمـوت مهمشـه
كلهـا بسبـاب ياقـوم مــن يــرو الغـديـر = ليتـنـي لاجـيـت جـالـه احـــوز منـقـشـه
الظهور احيان عاله علي بال الضريـر = مايشـوف وسمـع باذنـه كـلام أجهـشـه
كيف واللي شاف بالعين له واقع مرير= كـل مـن يعطـى مجـالـه يكـابـر بغشـشـه
اتركـوا عنـا المـعـارف ولاهــذا قصـيـر = دام ليـه بـاب ياحسيـن صـدرك نبهـشـه
المـبـره فشلتـنـا عـلـى طـــول المـسـيـر= شوف كم هي بالمكاتب رفوف معششه
قبل ماسوق الكلام الفضـا به يستديـر= نشتكـي والـيـوم يلـقـاه مــن لا طـرشـه
ملـت العالـم كـلام الحطيئـه مــع زهـيـر= فيه فعل يروي الحق من عقب اعطشـه
السبات اعيا المهند وهو وسط الجفير=والـكـلام يـبـاع مـجـان عـربـه وحبـشـه
افهمـو مانـي مهـاجـم ولاحـتـى ظهـير= لكن افهـم سلعـة السـوق واطـق كدشـه
غاية في نفس يعقـوب والسافـر سفيـر= لــو تكـبـل عـنـك يمـنـاه ياكـلـك حنـشـه
تـقـل مـابـه غـيـر بــاب تغنـابـه جـريــر=كل من مـره علـى سكـة الـدرب انهشـه
افصحولي كـم قتلنـا مواهـب عنـد زيـر=لاتبـارك بــاب اعـشـاه ينـخـاه اعمـشـه
يرحم الله من رسم خط من دونـه يحيـر=ماتـجـاوز مــا يـجـوده ولازار افـحـشـه
كــل خـلـق يتـبـع ماتـيـسـر لـــه يـسـيـر=وان تـعــدا ماتـيـسـر تـشــح الأ قـمـشـه
التغـاضـي كـفـن الـنـقـد وادلابـــه بـيــر=من جذب له جذبة عاب نفسه وحششه
مايعاضد مـن تكلـف ولـو طـال الهجيـر=قبـر امـام قـرن يدفـن ومجنـون انبـشـه
اعذروه مـن الاصايـل يناغـم لـه عذيـر=الوحش يبغى من الصيد مـازاد وحشـه
انتفـل مـن نافـل القـول والدنـيـا بخـيـر=ياعسـى مــا مــل سـامـع ولازاد وقـشـه
الشاعر/عبد الرحمن بن عبيد بن نافل=