ريميه
ياحرب جيت وجيتي كنها السيل=سيل يهد الجال و يرطن رطينه
المزن تمطر والبرَد زادني حيل=خيبت سد سدود وراحت طحينه
ابوروان
يامرحبا ونوه طلع باول الليـل=واللي يجي دربنا ربي يعينـه
الهرج له معنى مابين الرياجيل=وانتي بنيتي البيت مثل السفينه
ريميه
كم دلتن شريت ولا طبها الهيـل=رصت مع الاخرى على رف زينه
ماثمنوهـا شاربيـن الفانجـيـل=هذي ضريبة ساكنيـن المدينـه
ابوروان
لاوالله إلا جيتني بعد ماقيـل=ولا رصيدك عندنا خابرينـه
يابنت حنا حرب ذباحت الحيل=واللي شرانا لا بعد مشترينه
ريميه
انا اشهد ان بحرب عزه وتبجيل=ولاني بشرَّاية اصـل وارثينـه
المشكله لا صار بالعلـم تظليـل=بالوجه ضحكه والدواخل غبينه
ابوروان
كل الصفات الطيبـه والتماثيـل=يالله عسى رب(ن) تراعيك عينه
بعض العرب يابنت ماهي مقابيل=مثل القفل مركوز وسط الخزينه
بيض الله وجيهكم
ابداع اكثر من رائع
تقبلوا تحياتي
10-02-07, 03:30 PM
العرض الشجري