مرثيه بالوالد رحمة الله عليه

	المشاركة الأصلية كتبت بواسطة سعد المحمدي

	بسم الله الرحمن الرحيم بعد التحيه اشكر جميع من تقدم لنا بالتعازي بالحضور او الاتصال او عبر ملتقى حرب الرسمي في فقيدنا الوالد عبد الله بن دومان المحمدي اسم وشخصيه بارزه بالقبيله والقبائل المجاوره لنا في شهادة الغير كان رحمة الله عليه رجل حكيم وصاحب معرفه وكرم ودين اذا صعبة بعض القضايا يتقدم ويحلها بعون من الله ومكانته ومودته عند الناس كثير من الناس يستشيره في بعض الامور الهامه تحدث عنه امام المسجد الجامع في صلاة الجمعه وقال فقدنا رجل عظيم وصاحب دين وخلق ومعرفه ومكانه بين الناس لايتكرر الا ماشاء الله كان الوالد رحمة الله عليه يهتم بالخيل والجيش ويقتني عدد من السيوف والرماح القديمه والثمينه وكان يحدثني عنها ويقول يوم من الايام رايح نرجع عليها ويوصيني بالحفاظ عليها بعد موته شاعر كبير وراوي يحفظ الكثير من القصص لكن لايحب الاعلام قبل موته رحمه الله بساعات كان يحدث الجماعه بالشبه ويمازحهم وبعد الساعه الحاديه عشر ذهب للمنزل لينام وبعد ربع ساعه قام من فراشه وقال للوالده احس ألم في قلبي دقت الوالده على ابن اخي واخبرته بالامر وذهب به للمستشفى وبعد ساعه فارق الحياه رحمة الله عليه صلينا عليه يوم الثلاثاء الموافق 21/2/1432ه صلاة الظهر بالحرم النبوي ودفن بالبقيع الله يرحمه ويسكنه فسيح جناته ويتجاوز عنه يسقيك ياقبرٍ سكن فيك والدي=مزنأ من المنشى تسوقه هبايبه يمطر على قبره عسى الخلد منزله= تعل قبره كل ليله سحايبه ينبت على قبره من العشب طيبه= حتى يتثنى فوق عالي نصايبه مرحوم يلي يكرم الضيف لأخطر=يضحك حجاجه حيث تلفي ركايبه وللجار غيث ولايقصر بواجبه= من نايد الأجناب وإلا قرايبه مرحوم يلي خوته يقتدا بها= من كان عنده شك ينشد صحايبه مرحوم يامقدام بالعرف ربعنا= له كلمةٍ عند الرجاجيل صايبه لاكبرت القاله تقدم وحلها= كم اجتمع شمل العرب من سبايبه يذكر على اللي قاصرات محايله= من بعد في دعواه ضاعة طبايبه دايم على ربعه كبيره أحموته= وعليه خصمه مايمشي لعايبه ودايم بعيده مع هل العرف نظرته=ادنات كلمه ماتقرب حظايبه ماهو فقيد اثنين وأربع وكثرهم= فقيد لابه للخطر غير هايبه يوم انها بالسيف والرمح والقنا= كم شيخ خلو يفقدونه حبايبه وقبل الختام ودمعة العين ذارفه=يالله تكفينا الزمان ومصايبه

الاخ والشاعر الجزل سعد المحمدي

رحم الله والدك ويشهد الله اني ماقابلته ولكن ذكر الحيا والطييبين يبين

والدك رحمه الله فقيده على القبيله

ولكن عزانا يجبره الله ثم رجال يحملون اسمه وفيهم الخير


والي عقب ما مات
اخوي سعد صح لسانك وعظم الله اجركم واجرنا