محاورة الزاحف

الزاحف =
سلام الله من الزاحف على الزاحف من الشعار=وانا ادري كل زاحف خوته ماهي بمضمونـه
من الطايف وصلت ومحتز بحزام كلـه نـار=ولاياويل زاحف في عيونـي يبلـق اعيونـه
البدراني=
هلا يا مرحبا والسوق مليانـاً مـن التجـار=وانا زاحف على علوم الوفاء والبيت بركونه
من الطائف وترجع يا صحيبي باول المشوار=ترى ماعندنا يا غير ذيـب يحـد بسنونـه
الزاحف=
يدوم الك البقا لو كان ندري لليمين ايسار=وانا ماقول فيك الآالوفاء والروحه مزيونه
انا لاجيت مرجع يالحريّرلولقيت اخطـار=وذيب بذيب وامر الله سعه والحمل لمتونه
البدراني=
بحيل الله تبا ترجع وابا وديك يم اشهـار=وبا اسلمك حراسه واحـرص مايفكونـه
وبا اقدم شكية للمحافظ يلفـت الانظـار=على شان الزواحف لا طلع بالليل يعمونه
الزاحف=
بحيل الله لتدخل قبل مادخل يشطر الشطار=ولو يكشف علينا فالطبيب ايّعرف مجنونه
ولو قدمت شكوى بقلب الشكوى ولابحتار=ياكم شكوى علينا قدمت بالقاع مدفونـه
البدراني=
انا ماجيتكم زحاف ولا سميـت بالمزمـار=ولا لي بالزحاحيف الصغيره يسحب غصونه
انا قدمت نصحي مير ماجاتك على المعبار=تعرضت السيوف اللي تشيل الراس بمتونه
الزاحف=
ياعنك العلم ظمه مامع الزاحف ترا مخشار=ليا سمّى وكبـر رميتـه بالقلـب مازونـه
وانا زاحف ولد زاحف وجدي زاحف وبيطار=ليا منا زحفنا كل زحف انحّول مـن دونـه
البدراني=
مجنون يا مجنون تاكل نار بن عمار=ودواك عندي يازحيفه زان مطحونه
ابا ربطك ونادي الغياب والحضـار=وسلمك ربعك واخذ عهد معاد ينسونه
الزاحف=
كبير مع الكبير ولنّت موجع باليدين الطار=ولابتريبني مادام مثلـك يشكـي اديونـه
نقول القول وابشر بالسعد مادام جاء البحار=يبايبحـر وتبحروالحـا بالعـود مدهونـه
البدراني=
كبير مع الكبير واصغر الى مني لقيت اصغار=وانكان زعلتني عصرة على شاهيك ليمونـه
اسمرك تسمير ودق بحدود بالخسب مسمـار=واعلمك البيوت اللي تجيب الشعـر موزونـه
الزاحف=
ياشاعرنا ترفع وارفع البندق عشان الدار=ترن الدار محشومه وشعرك دق طبلونه
وانا مبني على الزله حقيقه يالرفيق البار=وقاري معتلي والعد كل الناس يردونـه