محاوره بين الشاعرين (بدر العريمه , حمود الجابري)

بدر العريمه=
ياحمود لو ماهي غريبه ماعلى الدنيا غريب=اختار من لونين واحد وارسم اللـي ترسمـه
تبغى الحقيقه من لبس ثوبين في وضعه يخيب=اما يقولون انهبـل ولا عسـى الله يرحمـه
حمود الجابري=
يابدر حنا حاضرين وجيب ماودك تجيب=الدرب قدامك وسج الرجل والعلم احسمه
الله خلق عينين للانسان ماهو بالعجيـب=مير العجيب ان الخلايق ماتقدر ماقسمه
بدر العريمه=
انته على وصف الحبيب ابقى على وصف الحبيب=ماتجتمـع ثنتيـن مهمـا قلـت والعلـم افهمـه
الدرب واحد والعلـوم كثـار والامـر الصعيـب=لابد يسهل مع مـرور الوقـت ويطيـح علمـه
حمود الجابري=
شمس الحقيقه يالعريمه في زمنا ماتغيب=الحمدلله نلت بالثنتيـن يابـدر اوسمـه
العلم يابدر العريمه بين شك وبين ريب=الشاهد الله مانعرف اللي رسم بالمرسمه
بدر العريمه=
شوف الطريق اللي تبي واضرب على الدنيا صليب=واصمل وشوف اللي بتـال الـدرب والله يعلمـه
لاصرت من حب العذارى منجرح تلقـى طبيـب=الليل مابه شمـس ولا الشمـس ماهـي مضلمـه
حمود الجابري=
أرقى سنود ولايصيبك بالزمن غير النصيب=واللي يخيل البرق يبشر بالرعود المرزمه
الوضع واضح ماخفى مابين مطلوب وطليب=واشوف جالك حولها يابدر اهات وهمهمـه
بدر العريمه=
راع الضمير اللي على راعيه حـراس ورقيب=يحكم ضميره كان وصلك كل ماخـط قلمـه
مالي بهاذيك السوالف لاشـروق ولامغيـب=مرتاح بالي وانت فيها رجل كارب محزمـه
حمود الجابري=
وقفة وفاء يابدر خذها من صحيب اليا صحيب=الشعر يفخر بك على مـر الليـال المقٌٌدمـه
هات القلم والمحبره واكتب حـروفك لاتهيـب=لاتقصر الهقوه وشد الحيـل والعلـم اختمـه