محمد البدراني وشاكر السلمي

محمد البدراني=
الليله الليله نبيهـا حيـل حيـل وانشبها بالنار ونزيد الحطـب=واللي مايعرف للطوع وللنزول يبعد بعيد ولايجي للملعبه
الى نوينا بالهجوم نشيل شيـل يا من يوقف لي الى حان الطلب=والشاعر اللي لايصول ولايجول يبعد بعيد ولايجي للملعبه
شاكر السلمي=
الليله بما صار يخبر جيل جيـل اشوى لسقاي النخل جمع الرطب =واللي يجيب البيت والفكر مغسول..يبعد بعيـد ولا يجـي للملعبـه
ترى القوافي والبيوت تسيل سيل لا تحسب الشعار تسعى للنشـب=شاعر يبا يركب على فخذ الذلول يبعد بعيد ولايجي للمعلبه
محمد البدراني =
حول عن شداد المطيه ميل ميل لاتعترض يا شيخ للسيف الحدب =وانكان ماتعرف للمعنى وصول ابعد بعيـد ولاتجـي للملعبـه
حنا نصب دلالها بالهيل هيـل فنجالنا ياالاجـودي ماينشـرب =وانكان ماعند للدعـوى قبـول أبعد بعيد ولاتجي للمعلبه
شاكر السلمي=
امشي على درب المراجل ميل ميل واللاش عن دربي وانا شاكر هرب=واللي يحسب ان المراجل بس قول يبعد بعيد ولايجي للمعلبه
فنجالكـم دار وعليكـم قـيـل قـيـل من لا يكـرم ضيفـه يغـض الهـدب=من يحسب ان الكحل في خـد الدلـول يبعد بعيد ولايجي للمعلبه
محمد البدراني=
ياشاكر الدنيا رحاهـا ويـل ويـل وانته رفعت الثوب من فوق الركب =وان طولت بك رحت ماعندك حلول أبعد بعيد ولاتجي للملعبه
لا والله الا تو جاتـك خيـل خيـل الموت توه منـك ياشاكـر قـرب=مامعك لا بندق ولا عنـدك خيـول ابعد بعيد وتجي للمعلبه
شاكر السلمي =
يوم ابرهه جتنا جيوشه فيل فيل حصل طيور الله قدمـه وانكـب=مالك مع اطوال الايادي يالعجول ابعد بعيد ولاتجي للملعبه
ياللي تزود بالنحاس الكيل كيـل حنا على عكسك نعامل بالذهـب=ونشوف تال الليل وش تقدر تقول ابعد بعيد ولاتجي للمعلبه