تبغى الحقيقه

اعزائي اعضاء ملتقى حرب الادبي

اتشرف بوضع هذه الابيات المتواضعه بين ايديكم

على امل ان تحوز على رضاكم

ان كان فيه المتسع من بعض وقت=والا يروُح كل شخص بطريقه
متساويه عندي ليا ضقت وان رقت=هذي الحقيقه كان تبغى الحقيقه
لا تحسب انك في فضا الكون حلقت= والا وصلت لماصلٍ ما نطيقه
انا تراني يا ولد ما تضايقت=الا ليا زاد المسولف نشيقه
على الهدف كزيت رمحي ودققت=مرمى الهدف ما عاد يبرى زريقه
على كتوف الخلق ما كد تسلقت=ولا جيت مابين الصديق وصديقه
اكل بيمناي الطليقه ولو ضقت=لو ان ما كل اليماني طليقه
والا انت من حالي منامك ليا فقت=عرفت فرق الثانيه والدقيقه
حتى الرفيق الاجنبي فيه ما بقت=اعامله مثل الشقيق لشقيقه
غربت والا مع هل العرف شرقت=بحر العرب ما ضاق فينا مضيقه
جاملت لين العلم دونه تحققت=واخذت من بعض السوالف وثيقه
من عقب هذي واثق انك تفهقت=من موقعٍ ورده يعاطي رحيقه
درقت والا يالمسولف تدرقت=بئس الرفيق اللي يطق برفيقه
ذقها بختم الصوقعه فوق ما ذقت=قبلي شديُد شب فيك الحريقه
الميسم اللي لو ينوشك تعوقت= وهبه من اللي فوق كل الخليقه

وسلامتكم