محاورة: علي الحصني و تركي الميزاني

يامرحبا ترحيبةٍ بين المصافح و الهجوم=من شاعرٍ قدام يبداها موثق ساسها
يا أبن عطاء الله وش تسويبك عطيبات السهوم=دخلت فالمحمية اللي وقفوا حراسها
دام البقاء رديةٍ من طاح منها مايقوم=و أنا أعرف العالم و أميزها بحسب أجناسها
أنا أحمد الله ماعليه لاظروف و لاهموم=وإلا أنت مثل الحية اللي ماتبين راسها
المشكلة من خشمك اللي زاد عن بعض الخشوم=لاتأمن الدنيا تبأ تدخلك فوق أضراسها
ماطاب لك يالآدمي في سد وجهي مايدوم=أظنها نبتة مطر جاها العجاج و حاسها
نبأ العلوم الطيبة لكن ماعندك علوم=ياليت بعض الناس بالمآقف تعلم ناسها
أما تقدم بالخبر و إلا تريح و أمخدوم=ترى صدور أهل المعاني حاظرٍ هوجاسها
أنا علومي للرجال اللي يعرفون السلوم=و ألا أنت دور ناسيه عجرم و قبل رأسها
صليت فالمطران لكن في ثيابك ريح ثوم=و أمطير لاصلت ورى تركي يزيد اعطاسها
الفرق مامن فرق بين الشلاوى و البقوم=ياباني البنية تراك أميِـلٍ في ساسها
أنا أحمد الله عزوتي شجعان مافيهم رخوم=اصبر على الجمره من المطران يالحاسها
مافيه فرق بينكم يا أثنين ياغير الرقوم=و انكانها دقت جرسك أرجع و دق أجراسها
روح مديل ألفين و الحملة في ظهر الفين كوم=يمشي و ياقف و الحراره منقطع حساسها
أخذ النصيحة ياعميلي و أستتر وسط الهدوم=الارض ماكلٍ يقيسها يعرف اقياسها