من بعد حكت سلوك الماس .................... لحن مباشر على الطاير

=فواز
سلام للـي لهـم نبـراس=فالقيل وتحكم على اخباره
من بعد حكت سلوك الماس=قلبي اشتغل واشعل انواره
=عبدالعزيز
يا مرحبا براقي الاحساس=و الحـر مـا تنطفـي نــاره
روّح و قيس الهوى بقياس=قـدام تنشـب مـع أخـطـاره
=فواز
عسا البقـا ياجويـد السـاس=وروض الهنا تقطف ازهاره
أنا حويت الهـوى بنومـاس=ولا أنـت ماتـعـرف اســراره
=عبدالعزيز
لو كنت عالم بدرب الماس=ما جيت تشكي لنا عياره
قبلك لعبنا و أخذنا الكاس=بقياس ما نخلف أمتـاره
=فواز
فقير مثلـك ودايـم بـاس=ويوم السعد فاتك اقطـاره
صافي وسامي عن الأدناس=زايد على الماس واحجاره
=عبدالعزيز
ما يوم قلبي شكى الافلاس=و محال يعلن عن اشهاره
ما دام نبضه على مقيـاس=مــا تعتـلـي نـبـرة انــذاره
=فواز
ياليت تصفى لـك الأنفـاس=ويوم الفرح تعزف اوتـاره
من عرق جدك عصبة الراس=وفواز ينشـد لـك أشعـاره
=عبدالعزيز
مالي غنا يا أعـز النـاس=مثلك من الطيب و أخيـاره
وافي و لك بالوفا قرطـاس=مكتوب باسمك في مضماره
من بعد ما رنت الأجـراس=هيّا استمع آخـر اصـداره
ما ينغرق في الهوى غطاس=و الحر يفهم مـن الشـاره
=صحت السنتكم