رائعة شاعر الملتقى قابل البشري في النسخة الثالثة (من شاعر المليون)

[align=center]وألف مبرووووووووووووووووووووووك
يــــــــــــــــــــــــــــــــــــــــــــــــــــا
جــ ـــ مــ ــــل

اجتاز شاعر الملتقى الأستاذ قابل البشري
وبرائعته ( الخلق النبيل) _ المرحلة الأولى من مسابقة شاعر المليون
بعد أن حصل على إجازة جميع أعضاء لجنة تحكيم المسابقة
في محطة البرنامج الرابعة المقامة في فندق هيلتون جدة في الفتر من 11/8 إلى 14/8/2008
،،،، ويسرنا في الملتقى أن نزف أزكى التهاني ونبارك لشاعرنا هذا النجاح ،،،،

الخلق النبيل[/align]

فوق حلّق فوق يالحـر الأصيـل=ولاتوقِّـع غيـر باعلـى شُمّهـا
ولاوردت إرْد القراح السلسبيـل=وارو كبد الظاميه مـن جَـمّهـا
المـروّه قـمـة الخلـق النبيـل=والكرامـه هـي أبـوهـا وأُمّـهـا
في غلاها مـا يعادلهـا عديـل=مثل روحك في ضلوعك ضُمّهـا
ولاتغرك دمعـة عيـون الذليـل=لـو بكاهـا فـي رُقبْـتـه دمّهـا
وامش بين الناس بالراس الطويل=واصـحْ نفسـك بالغروراتزمّهـا
ومـد راع الطيب بالمـد الجزيـل=والصغـايـر لاتلـفّـت يـمّـهـا
ولاتنزّل قدر مـن قـدره جليـل=ولاتقـدّم غيـر وانـتـه عـمّهـا
واتبع الأقـوال بالفعـل الجميـل=مااحسن الثنتيـن يـوم تـلمّهـا
ولاتحرى من أحـد رد الجميـل=مـن بـدا بالمكرمـات يـتـمّهـا
وكل كيلْ وصاعْ له صاعٍ وكيـل=خُص في قدر الرجـال وعِـمّهـا
ومع صديقـك لو يميّـل لاتميـل=ارس مثل الباخـره فـي يـمّهـا
وادمح الـزّلات والعلـم الهزيـل=واخف يدها تحـت طيّـة كُمّهـا
ولايهمونـك أهـل قـالٍ وقيـل=لافـلتـهـا ذاك هــذا خـمّـهـا
مثل حطّابٍ حطب في جوف ليـل=الحيايـا مـع حطبهـا لمّـهـا
وكلْ من حـدّث ولاعنـده دليـل=ماتـقـدّم بالصـفـوف وأَمَّـهـا
ومن تجاهل اعطه الجنب الثقيـل=بـيعـةٍ مكْسبـك منهـا همّـهـا
والبشر هاذي رضاهـا مستحيـل=ماخبرنا مـن سلـم مـن ذمّهـا
وانت ياللي ما عن الجزله تحيل=يوم يغني كيفها عن كَـمّها
ذي قصيده اسمها الخلق النبيـل=ان عجبـك الاسـم ولاّ سمَّـهـا