بقعا سقتني كاس سم سقطري

السلام عليكم ورحمة الله وبركاته
قصيده من مراثي بالاديب الراحل محمد العسيلي

ياالله يامنشي مناشي مخايله=بامرك هماليله تسيل مسايله
لطفك بمفجوعا تفاجا بفجيعه=فجيعتن تذهل وزادةذهايله
اشنع خبرمنه الضمايرتحطمت=ساعة سمعته ذوه العقل قايله
امضيت عشر ايام فكري مشتت=عجز العقل يستوعب امرا وهايله
رحيل من فرقاه رمحا تركز=بلجة حشاي منشبات نشايله
الموت قفى بطيب الفعل والنبا=اللي بسوق الطيب تمدح فعايله
مرحوم ياشيخابنا حصون شامخه=بقمة اصروح المجدجادت نوايله
مجد القبيله دوم همه وهمته=اجهد لها بجهود واضفى جمايله
باسم القبيله للعسيلي مواقف=سطر بها التاريخ بانصع سجايله
حكيم له حكمه وميزان منطق= وايضا بسديد الراي تفصل فصايله
شعره مجال اعتاق الارقاب فازبه=صوغ الذهب ينظم جواهر جزايله
منهاج فعله طابق اسلوب قوله=ما اضني احصي لو اعدد شمايله
عليه دمع العين مني تبدد=وحره بصدري حاميات ملايله
يامقدر الاقدار روف بحوالي=واجبر عزاء قلبا تزايد غلايله
امسيت مثل معوض العز بالعزاء=سيف الدهر ما احد سلم من غوايله
بقعا سقتني كاس سم سقطري=سم الفراق اللي بقت بي مشايله
احبال وصله دونها الياس=هجر النيادونه طوتني طوايله
يالله تمد الروح بالصبر والرضى=باقضاك لاحان القدر في حبايله
يارب باحسانك وعفوك تعامله=يامن علي خلقه توالا فضايله
انت الكريم اتجود خلقك بجودك=فضلك عليه ان الكرم من خصايله
لضيف دايم باب بيته مشرع=وجاره بريف ولاشكا منه عايله
ويوم انتهى ماله بها الكون وارتحل=ضافك وضيفك مايخيبن مسايله
ياواسع الرحمه جزيل العطايا=خالي بوجهك يوم قفت شدة رحايله
ووجهك ينجي ياالهي دخيله=بحماك تجعل له عن النارحايله
وسع له المدخال واكرم منازله=ونورعليه القبرواكفه هوايله