كل شاعر يغني على كيفه

السلام عليكم
ابيات من جديدي تحاكي الواااقع لتواصل معكم ارجو تمريرها

قالو غزل قلت ماحبه ولا ريده=شعر الغزل يا عرب مايبري العله
كم واحدٍ جر صوته قال ياعيده=لاجات عيده وجاك الهم مشتله
الناس تُذبح بلا رحمه وتهويده=والشعب لاهي وكلاً مغرم بخله
ومن فيه ذرة حياء قلبه قصر قيده=مادام الاسلام عدوانه تقاتل له
القدس يصرخ بصوتً مل ترديده=خمسين عام ٍ يشوف الهون والذله
وعراقنا راح والاسلام توحيده=من يوم بوش الخواجه صار محتله
والنفط فبلادنا جفت مواريده=واستعبدونا بلا مذهب ولا مله
واللي شجب مانفع شجبه وتنديده=ما ينفع الا الرصاص وقلب يذهن له
والدين يبغا الرجال اتقوم وتعيده=حتى اليهودي تمنى الموت من غله
وليا قضينا على الكفار في حيده=كلا ً يغني على البراد والدله
والبرتقاله لها في شهار تبريده =ويزورها من يبا التطعيس والفله

وسلامة قلوبكم