سبيل جراح الضمير العيافي

	المشاركة الأصلية كتبت بواسطة علي هليل الحربي

	ابشرك مرتاح والجـو صافـي=لاضيقةٍ جتني ولانيب محـزون ياما نسفت من المشاكل خلافـي=وياما سكت لخطر رجال يافـون اخفي البيـن وابيـن خوافـي=في حال عاقل ميز وبحال مجنون مايستـزل فعولنا يالسنافـي=إلا الحسود ليا ولغ كل ماعـون عدونا ماهـو بويـا العوافـي=لاعال حطينا به لهود وطعـون وابن سند ماله على القيل قافي=تفاهقت دونه عفاريت وجنـون من ذاق حد مذلقـات الرهافـي=ماتجبر عظامه لفايف شطرطون هذا كلام اللي ليـا قـال يافـي=ماهي مصادر من وكالة يقولون خزاز ما يخفيه ذري السوافي=زيلوه ياللي للشوامخ تزيلون اللي نقل حتفه على الكف كافي=ماحسب لكاين لمن كان ويكون سبيل جراح الضمير العيافي=لاشان نطق اللي على الموت يردون ياكثر من عضوا عليه الاشافي=يوم اصبح الداين على حرب مديون واليوم مع هاوين بدع القوافي=شبيت لي جمره على راس غليون لفتة نظر لعلها لي تشافي=بشعور من يبصر وله قلب وعيون

الله الله
صح السانك وافي يابو مشعل
شاعر كبير وسرعه في الرد وتكملة القصيده ياسلام عليك
يالها من رائعه والشاعر سبيل بن سند شاعر حرب الكبير
رحمه الله اخذ هذا القب وهذا شي معروف
ومن لقب به بعده لن يستفيد شي بل سوف يقلل من مكانته لانه ترسخ في الاذهان ان شاعر حرب هو سبيل الحصني
بل ان من تلقب به سوف يجعله يقيم بين شعره وشعر سبيل الحصني عندها
سوف يكون الفرق واضحا والمواقف فارقه اذ انه سبيل لم يسكت على من تعرض قبيلته عكس من سكت
مع احترامي لكل شعرا حرب الذين هم شعرا كبار ويشرفون القبيله فعلا
ولكن للمواقف اهلها
الف صح السانك يا الشاعر علي هليل الحربي