غير مسجل يابو يزيد اللي وجب لـيّ قولـه

يابو يزيد اللي وجب لـيّ قولـه=إدايته واجـب علـيّ وفضيلـه
كنه سلام امسلّـمٍ فـي حلولـه=والواجب ألزم من حقوق النفيله
أقولهـا والقـول كلـن يقولـه=إن طاب وألا عابرٍٍ فـي سبيلـه
القول ير جح بالكـلام وقبولـه=حتى تناقلـه الـرواه وتشيلـه
وأخير وأصدق منه سنة رسوله=خيرالكلام اللي صحيـحٍ دليلـه
والا البنادم مسرجـاتٍ خيولـه=وإبليس فرسانه على ظهور خيله
والنفس دايـم للخطيـة ميولـه=من لاعسرها كل ساعه تحيلـه
ولا تسري اللي بالعضود امعقوله=ياحاسبٍ عدلـه تناسيـت ميلـه
والحق مع راعيه سلطان دولـه=وش معك لا منّه فرش لك شليله
الطق ياصل ملزمـات الرجولـه=ومالنـا بالله حبالـي طويـلـه
فكيـت بـابٍ مغلقـاتٍ قفولـه=من غالي الجوهر وباقة حصيله
كان المثني يوقف العلـم طولـه=العفو من طبع النفوس الجليلـه
وألا الردي لاصار نفسه زعولـه=ما أحدٍ على روس الكواع ايحبيله
كلٍ تـرا حقـه يمينـه تنولـه=لاجردوا حدب السيوف الصقيلـه
مناقش الجاهل يسبـب فشولـه=وتصخف مواقيف الرجال النبيله
ولا فيه عقد ألا التفاهم احلولـه=عند الرجال اللي تعـز القبيلـه
واللي عليها وسم راع البطولـه=ماكل مـن لاوحلهـا تستويلـه
لو حطها بعض البشر في حثوله=مهمـا يعاتبهـا تراهـا دخيلـه
يقولها اللي ضيّق الهـم جولـه=ويم الفهد وجَّه على النت قيلـه
ارسالةٍ منها الشكوك مغسولـه=للشاعر اللي مايهـس اتحليلـه
السالفة يمـك تراهـا محيولـه=المدعي يتبـع لمسكـن قبيلـه
ويوم أنت رجلٍ بالمقام إشهدوا له=الطيّبه تفعـل لهـا المستحيلـه
تم الكلام اللي قنعـت بوصولـه=والمتهم غيرك ولاأنـت بوكيلـه