الليل ياراشد وياصياف (راشد السحيمي وحبيب العازمي)

ابتدي والمبتدى ذكر الاله=ربنا اللي كل ابونا في رجاه
يابن ادم لاتفكر فالحياه=ماعلى الدنيا ضمير(ن) مستريح

الليل ياراشد وياصياف=ماسمي الاول ولا الثاني

المعاني كان ماجت من ذهب =وش تسميها العرب عن العرب
اسمها مامن خلف بعد التعب=ماعلى الدنيا ضمير(ن) مستريح

والصرف مايصعب على الصراف=اقولها من قلب والساني

ابتديت بحق وانت المبتدي=اشهد انك لابخيل ولا ردي
لاسمعنا صوتك نجيك انعدي=ماعلى الدنيا ضمير(ن) مستريح

الليل توه والحمول اخفاف=تقدر تدولي وتلقاني

الذهب موجود وابشر بالسعد=جاك مايكفيك والباقي بعد
لوتوعدني وتصدق بالوعد=ماعلى الدنيا ضمير(ن) مستريح

لاكن فيها امور ماتنشاف=توجع يابوحثلين راكاني

عام الاول يوم جينا وانت فيه=مالقينا اللي توصينا عليه
غير واحد ميتين والديه=ماعلى الدنيا ضمير(ن) مستريح

وان رحتلك معنا يفو القاف=والقاف الاخر جاك ماجاني

شد حيلك واسر ياراعي الذلول=لاتسمع فالمهبل والخبول
وان زعل صياف قله وش تقول=ماعلى الدنيا ضمير(ن) مستريح

وانت دخيل ولا عليك اخلاف=لاكن راح الوقت مجاني

حاجتأ ماهي ذميمه ردها =يعلم الله مانبيك اتردها
انتبه صحبتك هذا حدها=ماعلى الدنيا ضمير(ن) مستريح

ماني غشيم اصدم على الاكتاف=ابوي قبل اليوم وصاني

لا تحرون الزعل بعد الرضا=احسب اللي مقبله واللي مضا
والزعل ممنوع والقاضي قضا=ماعلى الدنيا ضمير(ن) مستريح

لو الشريف يسيب الاشراف=صارت وكاله دون بيباني

ياشبابه لاتصيدون الجراد=الجراد اصغير واقشر لايصاد
اعتقوه لوجه خلاق العباد=ماعلى الدنيا ضمير(ن) مستريح

اليوم يحذفنا مية حذاف=والمشكله خاتم سليماني

قلت ياراشد تجينا فالحجاز=قلت كيف اروح ماعندي جواز
قلت كلمنا على رقم الجهاز=ماعلى الدنيا ضمير(ن) مستريح

حنا ليا جاء حاضر الميقاف=دون اللوازم ربع واخوان

واجد اللي لاتحب ولا تصاد=واغرب الحاجات من شرق البلاد
فارقونا من بواريد الجهاد=ماعلى الدنيا ضمير(ن) مستريح

بغيت اخرب سفتي الاسعاف=من شان مبغاه ايتعداني

اتصلت ابصاحبي قالو مريض=قلت انا مع صاحبي ماني حضيض
وان لقيته لا يغيض ولا يعيض=ماعلى الدنيا ضمير(ن) مستريح

لابد ماناخذ معك مصياف=لاكن ياحبيب تحراني

لا تمنى للقاء بعد الفراق=لاتسمع فالتوادي والنفاق
انتهى حرب الكويت امع العراق=ماعلى الدنيا ضمير(ن) مستريح

مرك يصيح وقلت هافأ هاف=قلنا علامك قلت مرضاني