سالم الزير + المحايد

يا سلامي سلامـن فيـه خيـرن وخيـره=يشمل حروبكم يا حـرب قاصـي ودانـي
كـل واحـد مـن الشعـار يشعـب بعـيـره=ينطح الشاوي اللي فوق ظهر العماني
ياهلا مرحبا بك عند درع الجزيره =وانت رجل تعرف العاليه والطماني
الشواوي لهم فنجال مر وبريـره =والهجن جاهزه لكن مس البطاني
الـبـقــا يـالـمـرحّـب بـالـوجـيـه الـسـفـيـره=مجلسـك مجلـسـي حـتـى مكـانـك مكـانـي
مات ذيب(ن) يحوف الناس فـي كـل ديـره=ما بقى غير ضبع وحصني امن الحصاني
من رحل عن حصان الشعر ربي يجيره =من عذاب الجحيم ويجعلـه بالجنانـي
لاتـذم المهنـد غيـر بـرا جفـيـره =شذرته شذره ونصله يقـص الأذانـي
اشهد انه فريد النوع يسوى عشيـره=مير ما فيكم اللي يخلفه فـي ضمانـي
ما نذم الرماح ولا السيوف الشطيره=ومـا نبـدل بهـا الباكـور والخيزرانـي
كيف تنشد عن الريس وتنسى وزيره =الله اكبر تقل ماتعرف اهل السناني
بس قلي وش اللي تعرفه عن سميره =دام مااعجبك رقص ام الدلع والحناني
النجوم الصغيـره مـا تعـوّد كبيـره=نجم طافي ونجم ايشار لـه بالبنانـي
خله يعوث فأم الشـال وأم الظفيـره=دام فالمعركه ما يصده أنس(ن) وجاني
اليقين ان بالدنيا بحور غزيره =وكان منته مصدق مر مرمر زماني
وأنشده ويش سوا في هبوب المثيره =ولانشدته تعرف الطامنه والبياني
واليقين أن بالدنيا نجوم(ن) شهيـره=كان للحين ما تعرف سهيل اليمانـي
سيرته فالشجاعه يا احمر العين سيره=لو تعوّد عداد العشر عنـدك ثمانـي
خل راع البعير اللي مبرك بعيره =واقرب شوي انا بنشدك عن علم ثاني
ليه خليت مردود النقا يالمغيره =وصار رمحك مابين ضلوع صدرك عياني
راحت الاولّه مـا باقـي الا الاخيـره=بين فتل(ن) ونقض وبين سبك المعاني
ما تقصًر طويـل ولا تطـوًل قصيـره=ما غدالي لا ثأر ولا رضينا الهوانـي
مافقدنا ولو هو كبر حبة شعيره =والعبيه تراها عند راع الحصاني
وانت ذيب تحوف الناس في كل ديره =ويش فرق الدقايق ويش فرق الثواني
انت يا امحايد البارح دروبك كثيره=والفرس ما تضيع وفي يديّا العناني
الحرامي سرقني عقب خانه ضميره=كان فقران تفداه الجمال السمانـي
صاحب المال مايشكك بكلمة خشيره =يحكم العقل قبل يقول كاني وماني
والدراهم بجيبي ابو سالم وفيره =ماتسلف ولاأسرق لو زماني حداني