الله خلق خلقه وقسم لها سهوم=ولا أحداَ يمد الحاجه اللي فقدها

السلام عليكم ورحمة الله وبركاتة

هذا ردي علي الشاعر القدير : فواز عتيق الحنيحني العمري والمعذره علي التاخير

سجل وعجل ياقلمنا ومخدوم=مخدوم في سبك البيوت وعددها
اللي على ميعادهن دايم الدوم=مثل الفزوع اللي ينشمي مددها
خواطر ليا مرت النايم يقوم=وإن كان ماهو قدها مارصدها
كن أعمدتهن يوم يردن عيسوم=سرب التهامي يوم يبدي عمدها
وأنا عليهن لي لدات وعزوم=لدات عودن بالدها الفذ يدها
ليا زهمت جدادهن جن حثلوم=مثل الثعول ليا تصاقط بردها
وأختار منها اللي تجي مالها توم = ليا سمعها المستمع قال عدها
واللي يورد علم ويصدر علوم=سود الليال الدامسه مارقدها
ليا رقد كنه يصحيه جاثوم= وليا صحى صف العلوم وجردها
حي الجواب اللي منقح وماسوم=حي البيوت وحي منهو نشدها
تسعه وعشر وعشر جن عقد منظوم=وحده تكفي بالمهمه وحدها
من شاعراًَ له بالصعيبات مفهوم=وإن شعشعت مهرة هجوسه لكدها
حراَ ليا حول على الصيد صاروم=النادره من جولها يفتردها
يتعب على الجزله وراسه لها يشوم=وباعه صعيبات الموارد يردها
خزايزه مثل القلايع من القوم=عزل العقيد اللي كمومه عقدها
من عانده يرجع على الخشم ملطوم=وتبعد عليه الغايه اللي قصدها
يحك كف بكف ويعض الابهوم=وكبده تبات بلهدها اللي لهدها
من ضمن ناس فحول نسوان وجروم=عفون تكبر بالنذاله غددها
العفن لو أنه بغى الطيب مفطوم=خسرانه أماَ غذته من نهدها
الطيب دونه جرهديات وحزوم=ماكل من يبغى هضابه صعدها
الحر يشهر فوق والبوم مكتوم=لو كان يقدر للكواسر طردها
بالوقت يابو بدر ظالم ومظلوم=والناس هي اللي عملها قردها
غل وحسد مابين معطى ومحروم=والناس ماتاخذ مواهب بيدها
من خلقت الدنيا بها قروم ورخوم=على ما قالم شدها من بلدها
الله خلق خلقه وقسم لها سهوم=ولا أحداَ يمد الحاجه اللي فقدها
الطيب باقي له رياجيل وسلوم= قوافله ماتختلف عن نصدها
والشعر له رايه على راس مزموم=يموت هباد الشجر ما هبدها
ومن غاص بالغبات مايجهل العوم=شرواك لا صف الجواهر نقدها
يا ذخر عوداَ بالصحن يجدع الكوم=خذ قافلة عصم القوافل وقدها
وعرض عن الجاهل ترى الجهل مذموم=وأصفح لغلطة واحداَ ماعمدها

الله الله الله

الاخ العزيز و الشاعر الكبير/ لويفي الشاماني

حقيقة ان انضمامك لهذا الصرح الشامخ ( ملتقى قبيلة حرب الرسمي ) مكسب كبير للملتقى و لجميع الاعضاء

و انت شاعر غني عن التعريف و الشاعر / فواز العمري شاعر كبير و معروف ..

صح لسانك على هذا الرد و على هذه القصيدة الجزلة ..

و بانتظار جديدك

و ياهلا و يامرحبا

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الاخ العزيز الشاعر الكبير لويفي الشاماني

الحر يشهـر فـوق والبـوم مكتـوم لـو كـان يقـدر للكواسـر طردهـا

صح لسانك ولسان الشاعر الكبير فواز
قصيدتين محمله بالجواهر والدرر الثمينه
تحياتي لك

الشاعر لويفي الشاماني

صح لسانك على هذا القصيدة الشامخة

الحقيقة سبك وحبك ومعنى

صح لسانك اخوي وقصيدة جزلة من شاعر جزل

دمت بخير

لويفي الشاماني

صح السانك مليون بساقة مليون

قصيده جزله وفيها صور رائعه رائعه

والحقيقه انك شاعر مبدع وانا سعيد بوجود شعر في هذا المستوى في ملتقى حرب

والشاعر فواز العمري شاعر جزل واطلعت على قصيدته الموجهه لك والحقيقه قصيده عصما

بأختصار أنتم شعار جزلين بمعنى الكلمه سوى انت أو فواز العمري

كثر الله من أمثالكم وحفظكم المولى

قبل لآختم صح السانك للمره مليون يالويفي

دمت بخير

	المشاركة الأصلية كتبت بواسطة لويفي الشاماني

	السلام عليكم ورحمة الله وبركاتة هذا ردي علي الشاعر القدير : فواز عتيق الحنيحني العمري والمعذره علي التاخير سجل وعجل ياقلمنا ومخدوم=مخدوم في سبك البيوت وعددها اللي على ميعادهن دايم الدوم=مثل الفزوع اللي ينشمي مددها خواطر ليا مرت النايم يقوم=وإن كان ماهو قدها مارصدها كن أعمدتهن يوم يردن عيسوم=سرب التهامي يوم يبدي عمدها وأنا عليهن لي لدات وعزوم=لدات عودن بالدها الفذ يدها ليا زهمت جدادهن جن حثلوم=مثل الثعول ليا تصاقط بردها وأختار منها اللي تجي مالها توم = ليا سمعها المستمع قال عدها واللي يورد علم ويصدر علوم=سود الليال الدامسه مارقدها ليا رقد كنه يصحيه جاثوم= وليا صحى صف العلوم وجردها حي الجواب اللي منقح وماسوم=حي البيوت وحي منهو نشدها تسعه وعشر وعشر جن عقد منظوم=وحده تكفي بالمهمه وحدها من شاعراًَ له بالصعيبات مفهوم=وإن شعشعت مهرة هجوسه لكدها حراَ ليا حول على الصيد صاروم=النادره من جولها يفتردها يتعب على الجزله وراسه لها يشوم=وباعه صعيبات الموارد يردها خزايزه مثل القلايع من القوم=عزل العقيد اللي كمومه عقدها من عانده يرجع على الخشم ملطوم=وتبعد عليه الغايه اللي قصدها يحك كف بكف ويعض الابهوم=وكبده تبات بلهدها اللي لهدها من ضمن ناس فحول نسوان وجروم=عفون تكبر بالنذاله غددها العفن لو أنه بغى الطيب مفطوم=خسرانه أماَ غذته من نهدها الطيب دونه جرهديات وحزوم=ماكل من يبغى هضابه صعدها الحر يشهر فوق والبوم مكتوم=لو كان يقدر للكواسر طردها بالوقت يابو بدر ظالم ومظلوم=والناس هي اللي عملها قردها غل وحسد مابين معطى ومحروم=والناس ماتاخذ مواهب بيدها من خلقت الدنيا بها قروم ورخوم=على ما قالم شدها من بلدها الله خلق خلقه وقسم لها سهوم=ولا أحداَ يمد الحاجه اللي فقدها الطيب باقي له رياجيل وسلوم= قوافله ماتختلف عن نصدها والشعر له رايه على راس مزموم=يموت هباد الشجر ما هبدها ومن غاص بالغبات مايجهل العوم=شرواك لا صف الجواهر نقدها يا ذخر عوداَ بالصحن يجدع الكوم=خذ قافلة عصم القوافل وقدها وعرض عن الجاهل ترى الجهل مذموم=وأصفح لغلطة واحداَ ماعمدها

الشاعر الكبير لويفي الشاماني
سلمه الله


وش انقول ووش انخلي


بيض الله وجهك


رررردد وافي وشافي

واشهد بالله انه ماخسر من اسند عليك هذا الشعر والا فلا


بك شاعرنا وبالشاعر فواز العمري ترتفع الرؤس وترتقي الذائقه والجزاله


انا شدكم الله لاتحرمونا من مثل هذه الدرر ليبقى الشعر الجزل



انتما فخر للقبيلة وللشعر


مليون مليون صح السانك
وعلا شانك

والشعر له رايه على راس مزموم=يموت هباد الشجر ما هبدها
ومن غاص بالغبات مايجهل العوم=شرواك لا صف الجواهر نقدها

عزالله انك صادق يموت هباد الشجر ماهبدها

وعزالله انكم غصتم واتيتم بالدر المكنون ولاغرو
والدر ماله غير غوصه فواليق

لاعدمناكم

تحيتي وتقديري

الاخوه كلً من حميدان العوفي و رابح الجحدلي و ابن هليل و السهم الحربي و خالد القبع و محمد عبدالله البدراني اسعدني مروركم وثناكم على القصيدتين قصيدة الشاعر القدير /فواز ورد عليها
وصح الله ابدانكم ولا يكمل ذوق الشعر الا بمتذوقيه
والله يعطيكم العفيه جميع

الاخوه كلً من حميدان العوفي و رابح الجحدلي و ابن هليل و السهم الحربي و خالد القبع و محمد عبدالله البدراني اسعدني مروركم وثناكم على القصيدتين قصيدة الشاعر القدير /فواز ورد عليها
وصح الله ابدانكم ولا يكمل ذوق الشعر الا بمتذوقيه
والله يعطيكم العافيه جميع

الشاعر الكبير لويفي الشاماني
شاعر غني عن التعريف الحقيقه اشهر من نار على علم وشعار الحجاز يدركون ذلك
لكن الاعلام ماخدم شاعرنا العلم لويفي
الشاعر لويفي يجيد النظم والمحاوره والحدا الذي يمتازون فيه شعراء الحجاز
وهم قله لصعوبته
له مساجلات كثيره مع شعراء النظم وله محاورات مع كبار الشعراء على سبيل المثال
رفيق دربه الشاعر رجاء الله المحمدي والشاعر صياف والشاعر راشد وشعراء
لاتحظرني اسمائهم
وتواجده في ملتقى حرب يضيف لنا الشي الكثير
تحياتي وتقديري لشاعرنا العلم لويفي والا يهون الشاعر الكبيرفوار العمري
تحياتي للجميع