( حتى يزين الوضع والشعب يرتاح ) .. إلى دكتور القاف الشاعر القدير / نداء الغيداني

/
/
/
/
/
/
/
/
/
/
/
/
/
/
/

قم ياندا جاوب ندا صقر سوّاح=نبغى نحل الوضع من غير قاله
نسمو عن التجريح نقنع بالايضاح=في وضع شاغل له هواجيس باله
مادام لك قايد تزهّل بالاصلاح =قال الحوار الزوم ياخذ مجاله
حليم متواضع مع الناس مزّاح=وافراد شعبه عدّهم من عياله
كفّك بكفّي دام عرفك لي ارباح=منّا لبو متعب نوجّه رساله
مضمونها ياقرم لعداه نطّاح=ومكارم الاخلاق جات بخصاله
حنّا جنودك دونك اسيوف وارماح=ونحما وطنّا دون منّ وجماله
ياسيدي والوضع يشرحه شرّاح=ومثلك خبير وفيك طبع العداله
حتى يزين الوضع والشعب يرتاح=نقضي على الترويج بعد البطاله
وانلد للرشوّه عمل كل شحّاح=ومن منصبه يفرض عليه انتشاله
وانقوي التعليم والعلم مصباح=حتى يصير سلاحنا في كماله
بعدين للاسعار برق الغلا لاح=ومن حكمتك حنّا رجينا زواله
واهم منها من حمل فكر واسلاح=يبغى يسوي برضنا مابداله
بالفكر ياهل العلم يحتاج لكفاح=وياسيدي لازم تقطع حباله
رح ياندا لاهنت لو حيت من صاح=اللي تثار البلبله من خلاله
فالبعد عنّه عنّك بلواه تنزاح=وشي ٍ يجيب الهم مالك وماله

الشاعر / خالد بن عبيد بن معتوق ألأحمدي

وشي ٍ يجيب الهم مالـك ومالـه
هذا الكلام ياندا

اخوي صقر المراقيب عافاك الله وتسلم

يستاهل دكتور القاف
صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك



قصيدة رائعه بروعة حضورك



لك تقديري

لاهنت وصح السانك

تقبل التقدير والاحترام

وفقك الله