ديوان الشاعر مشعل سالم النويمي

اشوفلي وسام عند إسمي = يلفت نظرنا من العنوان
مدري غلط جا في قسمي = ولا استحقه انا ياخـوان

رد الاخ الغالي سرور البشري

ياللي قرارك صدر رسمي = بيان صادر من الديـوان
محسوم هذا الأمر حسمي = وتستاهل وسام للفرسان

قلبه على الطيب متربي = ماشي على خط اسلافه
صادق ووافي ولا يخبي = كل المحاسن في اوصافه

حاولت اجاريك في طيبك = واوصل معك لين اخر حد
لقيـت خُلقـك وتأديبـك =كل ماقربنا مسافة إمتـد

سايق علي الهوى تمثيل = يحكي غرام الكذب فمـه
قلبي من الصعب إنه يميل = من قبل مايخمنـا ذمـه

دام المحبة ودام الطيب = فالملتقى دايم إحضوره
يامبيتّّ السيئة بتخيب = النجم ماينطفي نـوره

الكنز ماهو كثير إفلوس = ولاّ ايجارات في حسابك
الكنزخُلقك وطيب إنفوس = وكثرة محاسنك في كتابك

اعطيت لك كل ماتحتاج =وانت تماديت في غلبـك
خليت حالي معك فاحراج = ياصبّـر القلـب ياكبـك

لاتنتشي بالفرح وتطيـر = وتاخذك عزتك في إثمـك
اقدارك إمسطرة تسطيـر = مهما اعتلى فالسما إسمك

ناظرعلى الناس مـن حولـك = وامشي معاهم فادب وإحسـان
واحرص على الصدق في قولك = تهنـى فـي دنيـاك ياإنسـان

تعتب على بعدنا دايـم = وتلوم ونت كثير غياب
ماتشوف إني انا الهايم = وانا اللي واصلكم للباب