يامراقبنا الصييفي عندنا بالحيل غالي

اشكر الجميع على المرور
الله يبيض وجيهكم

اشكرك يابو احمد على التنسيق والمتابعه

	المشاركة الأصلية كتبت بواسطة سعد المحمدي

	ماوردنا يالصييفي في قصيرات الحبالي= ماعلى الدنيا ضمان وكل رجلاً في ظروفه ياعميل الخير حط اخطوط من تحت المقالي= الشعيب اقطف زهوره لاتعمق وسط جوفه

كفو لكن بعض الاريا تشبه العد الهيالي= ان بغيت الما تهدم و انت جدواك النكوفه
ما هنا حاجه نحط الخط و الدعوى تسالي= والشعيب احيان ما تاصل زهوره من جروفه

أخوي سعد جهازك يقول انك متواجد

ترد و الا اسري؟

	المشاركة الأصلية كتبت بواسطة الصييفي

	كفو لكن بعض الاريا تشبه العد الهيالي= ان بغيت الما تهدم و انت جدواك النكوفه ما هنا حاجه نحط الخط و الدعوى تسالي= والشعيب احيان ما تاصل زهوره من جروفه

غلطة الرجال غلطه ماتحط وماتشالي= لاخلط صافي حريره ياجماعه وسط صوفه
ان عطيتك علم صره ياذهب مدري ريالي= الجمل شقران خلك في شداده عن ردوفه

ياخوي تو ردك وصل يالغالي

	المشاركة الأصلية كتبت بواسطة سعد المحمدي

	غلطة الرجال غلطه ماتحط وماتشالي= لاخلط صافي حريره ياجماعه وسط صوفه ان عطيتك علم صره ياذهب مدري ريالي= الجمل شقران خلك في شداده عن ردوفه

غلطة الرجال ما يشره لها غير الرجالي= و كلهن ما ينفعن لولا مهارة من يحوفه
أنت علمك وصل و العمله تراها حر مالي= و الجمل شقران صار اللي موزّنتن بلوفه

الليل سرى

تصبح على خير انت ومن سهر معنا خلف الكواليس

شكرا للدعوه يا سعد

الشاعر الصييفي حذفة البيتين الاخيره على شان انا البادي ماودي تكون زياده بالابيات وانت منهي المحاوره
والحقيقه منك استفدنا الكثير والاحتكاك في شعراء كبار مفيد

بيض الله وجيهكم

بس انا في صف اخوي الصيفي

صح لسانك يابوتركي وصح لسانك يادكتور

استمتعنا بمتابعة شعراء كبار وكنت في صف ابوالوليد

جزالة من الطرفين بيض الله اوجيهكم