محاوره ( سليم الجابري , بدر العريمه )

=سـلــيــم الـجــابــري=
يابـدر ياكثـر التهاويـل بالليـل=لا اضلم سواد الليل جتك الدواهـي
كل الليالـي بالمصايـب محاميـل=لون بعض الناس بالوضع لاهـي
=بـــــدر الـعـريــمــه=
اثرك ماتعـرف زمـان التهاويـل=هـذا زمـان العولمـه والمقاهـي
الله يستـر قبـل لايطفـح الكيـل=تال الليالـي ينجشـن الشواهـي
=سـلــيــم الـجــابــري=
الله يخارجنا مـن القـال والقيـل=ماني بلاهي واكثر النـاس لاهـي
لاصار بالميدان ناس(ن) حلاحيل=مايمسك الفنجـال رجـال ساهـي
=بـــــدر الـعـريــمــه=
اللي يهول ان الرجـال المشاكيـل=صارت تدرهمها على غير جاهي
لاصار بالميـدان فـخ ومحابيـل=الذيب مايلعب بـروس الملاهـي
=سـلــيــم الـجــابــري=
اترك شبيه ام الحلـق والخلاخيـل=اخذ اتجاهك يـوم انـا باتجاهـي
للغطرسه عدوان جيل(ن) ورا جيل=لون كل(ن) في رصيـده مباهـي
=بـــــدر الـعـريــمــه=
لاتخالف الواقع ولاتنطـح السيـل=وان كان عندك سالفه غير ماهـي
للمرجله تلقى زحـول الرياجيـل=ولا العلوم الثانيـه مثـل ماهـي
=سـلــيــم الـجــابــري=
ما اخالف الواقع واحط المعاديـل=واضح كلامي والمعاديـل هاهـي
وقت المواقـف كلبونـا جحافيـل=نصمد ولانعرف الكـلام الفكاهـي
=بـــــدر الـعـريــمــه=
=سـلــيــم الـجــابــري=
الشيخ فـي داره ولارايـح يميـل=ثابت مثـل رمـان زود الاباهـي
صدقت وانته راعي الجيش والخيل=وكل العرب تشهد على عذب ماهي
=بـــــدر الـعـريــمــه=
يمكن عمره عادل بكبـره الفيـل=واطرا عليه الفيل لطـم الجماهـي
للسبق خيل وللحمول اشهر شعيـل=وانته سبوق وشلت حمل السراهي

الله لايهينك على النقل يامحمد
لك كل التقدير والاحترام