ياسلام الله سلام وتحية للحضور

صح لسانكم وجمّل الله حالكم
بيض الله وجيهكم

	المشاركة الأصلية كتبت بواسطة نواف القصيري

	صح السنتكم ياجميل ويالصييفي ابداع ومحاورة تلقيك بأسمائكم الكبار واصلو الله لايهينكم

يا هلا بك يا نواف القصيري

صح بدنك

حضورك اسعدنا

	المشاركة الأصلية كتبت بواسطة جميل بن حميدان

	يبدوا انك لك معاهم بها عرق وجذور=والا خايف من هل البنت يقدح زندها قولها واستغفر الله ترى ربك غفور=وان زعلت ازعل وللي تقوله ودها

اخوي جميل ليتك تثبت على تشديد القافيه او عدم التشديد
لأن خلطها يؤخذ على الشاعر:

يا جميل اسمع و ليّاك تنبش بالقبور= ثم تبلش في أمورٍ تبي بعض الدّها
أنت مثل اللاعب اللي مع الكوره يخور= ما حسب للولبيّه و عجز يصدّها

	المشاركة الأصلية كتبت بواسطة الظبياني الغامدي

	صح لسانكم وجمّل الله حالكم بيض الله وجيهكم

مرحبا بك يالظبياني الغامدي

صح بدنك

و لا هنت على حضورك المشرِّف

ياوسيع المعرفة قوم واقف ثم دور=كلمةٍ في خاطرك لاتحير بدها
ماتحصل من ورانا كسر يبغا جبور=عش نفسك من هواها وعود غدها

	المشاركة الأصلية كتبت بواسطة جميل بن حميدان

	ياوسيع المعرفة قوم واقف ثم دور=كلمةٍ في خاطرك لاتحير بدها ماتحصل من ورانا كسر يبغا جبور=عش نفسك من هواها وعود غدها

ما دخلنا الملعبه ودِّنا نجرح شعور= مار انا لا سقت يمّك نصيحه شدّها
عارفٍ منشاك منشا طويلين الشبور= بس سر في السيد نفسه و لا هو ضدّها

مادخلنا الملعبة ودنا نكد الشعور= لا ولا حنا من اللي شعورة كدها
ماعليكم زود مير الشعر يبغا صقور=والصقر ياويل من له عيونه لدها

	المشاركة الأصلية كتبت بواسطة جميل بن حميدان

	مادخلنا الملعبة ودنا نكد الشعور= لا ولا حنا من اللي شعورة كدها ماعليكم زود مير الشعر يبغا صقور=والصقر ياويل من له عيونه لدها

ما احْدِ قال انك لمى يا رفيقي أو بدور= و الجَعَد معروف للِّي يدوَّرْ وِدّها
الشِّعِرْ يا صاحبي جود مبنى و سَبْر غور= و انت لا هذا ولا ذا وردتّ لعدّها

جيت باللي مالها عند شروانا عبور= مثل من عمر عمارة وعود هدها
كنت احسبك بحر واثراك يارجال خور= موقعك مابين جزر البحور ومدها

اسجل اعجابي في هالبيتين


ماتحصل من ورانا كسر يبغا جبور = عش نفسك من هواها وعود غدها


ياسلام ياسلام


جيت باللي مالها عند شروانا عبـور = مثل من عمر عمارة وعـود هدهـا

صحت السنتكم شعار كبار