تمشي وتفتل في شنبها

	المشاركة الأصلية كتبت بواسطة محمد عويض البدراني

	صحت لسنتكم على قولت حمد السعيد مافيكم حيله متابع لهذا الابداع

صح بدنك يامحمد ولا عليك زود

	المشاركة الأصلية كتبت بواسطة مهجرس الحرف

	ياسلام ياسلام صحة السنتكم وبيض الله وجيهكم بس يالربع الشطر الاول في البيت الاول من الوسيمه فيه خطاء املاءي والا انا غلطان

صحت ابدان يامهجرس ووجهك ابيض

اما الخطا الاملائي

قد يكون زي ماقال شاعرنا حفيد الحجيري اختلاف في اللهجة في بعض المفردات

واشكره على كلامه

وليس هناك اي مانع من ابداء الخطا ان وجد

فكلنا نستفيد من بعض

	المشاركة الأصلية كتبت بواسطة ورقان

	مراقبنا الصييفي المهلي ما يولي ولسانك صحيح ولا تفقد غالي ان شاء الله وهذا كله من ذوقك الرفيع والف مبروك الترقيه تستاهل يعلم الله

الله يسلمك يا ورقان و هذا من طيب معدنك
شكرا لك

	المشاركة الأصلية كتبت بواسطة مضحي بن جمران

	مليون هلا وغلا يابو عبدالعزيز ويامطول الغيبات جبت الغتايم وسرنا واسعدنا هذا التواجد لشخصك العزيز وحياك الله وابقاك ومليار مرحبا بشخصك الغالي والحمد لله على السلامه صح الله لسانك على هالطاروق الراقي وصح الله لسان زميلك حفيد الحجيري وجزاله وابداع من الطرفين بيض الله وجيهكم واصلو ومنكم الابداع والجزاله ومنا المتابعه لاهنتم

مستشارنا ابن جمران
الله يبقيك ويحيك مدد بلا عدد
والمهلي ما يولي يالغالي
صح بدنك وبيض الله وجهك والجزاله انت راعيها
والله انك تتعب من يكتب بعدك من طيب كلامك وتراحيبك
وهذا والله من طيب اصلك وحسن اخلاقك
ولاتهون ولا يهونون الطيبين

	المشاركة الأصلية كتبت بواسطة بدر بن شطيط الحربي

	صحت السنتكم شاعرين جزلين لايختلف عليكم اثنين

صح بدنك يابدر ولا عليك زود
شاكر مرورك ومشاركتك

الشاعر/ ورقان

سلام تسليمة وفا مني لها لحيه وشـارب=وسط صف الملعبة تمشي وتفتل في شنبها
من بنات الفكر صافي جوها عن كل ذارب =بين طيات الكتب علم البلاغه من كُتبها

الشاعر/ حفيد الحجيري

مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها
مثل موج البحر في مده يغربل كل قارب=والرجال أهل العقول الله من الحكمه وهبها

الشاعر/ ورقان

البقا بأهل اللوازم من بعيدين واقـارب=يوم راع الطيبة دايم يحضر في طلبهـا
والمعادن والعقول تصيغها كثر التجارب=ماعرفنا نحاسها لولا التجارب من ذهبها

الشاعر/ حفيد الحجيري

فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها
المعادن كُثر والعربان مستعرب وعارب=والرجال بفعلها لو كان مغنيها نسبهـا

الشاعر/ورقان

مانته مقصر ياحفيد اللي بعيدين المآرب=مير نارك من زنادك شبها واوقد حطبهـا
وش نبا في شبل شيخ يدللونه فالمضارب=كان ما ياصل مواصيل القديمين وشببها

	المشاركة الأصلية كتبت بواسطة الصييفي

	الله يسلمك يا ورقان و هذا من طيب معدنك شكرا لك

عساك سالم وغانم يامراقبنا العزيز

مار ماشفتلي عميلي الليلة الظاهر اني تأخرت عليه شوي

	المشاركة الأصلية كتبت بواسطة ورقان

	الشاعر/ ورقان سلام تسليمة وفا مني لها لحيه وشـارب=وسط صف الملعبة تمشي وتفتل في شنبها من بنات الفكر صافي جوها عن كل ذارب =بين طيات الكتب علم البلاغه من كُتبها الشاعر/ حفيد الحجيري مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها مثل موج البحر في مده يغربل كل قارب=والرجال أهل العقول الله من الحكمه وهبها الشاعر/ ورقان البقا بأهل اللوازم من بعيدين واقـارب=يوم راع الطيبة دايم يحضر في طلبهـا والمعادن والعقول تصيغها كثر التجارب=ماعرفنا نحاسها لولا التجارب من ذهبها الشاعر/ حفيد الحجيري فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها المعادن كُثر والعربان مستعرب وعارب=والرجال بفعلها لو كان مغنيها نسبهـا الشاعر/ورقان مانته مقصر ياحفيد اللي بعيدين المآرب=مير نارك من زنادك شبها واوقد حطبهـا وش نبا في شبل شيخ يدللونه فالمضارب=كان ما ياصل مواصيل القديمين وشببها

فعلنا ما يعلمونه غير عكفان الشوارب = نارنا يشهب سناها ويل للي يقتربها
من مرار الوقت من يشرب من الحلوات شارب = فالنوايف يوم بعض الناس ساكن في شعبها

فعلكم من يجحدونه يا عطيبين الظوارب= مار المواقف مالها ياصاحبي الا عربها
اللي معاي ولا يقربلي اهواه ولا يضارب = اليا جلس بين الجلوس المشكلة يبعث سببها

الشاعر/ ورقان
و
الشاعر/ حفيد الحجيري

صحت السنتكم على الابداع وعلى الطاروق الحلو تابعنا واستمتعنا