الحب له مقدار عالي ومرموق = جملة عزيزة تستحق السيادة

الحب له مقدار عالي ومرموق = جملة عزيزة تستحق السيادة
من يعرفه يقضي حياته بلا عوق = ريح ضميره واهتنى بالسعادة
ومن لايعرفه عاش والقلب محروق = من قل حبه عيشته بالنكادة
اللي يمد الحب ماهو بمسبوق = فالصف الاول معتلي في شداده
يلقى الغلا والعز من كل مخلوق = محسوب قايد يستحق القيادة
الحب له ترتيب واحكام واطروق = المسعد ا اللي وصله راس ماده
الحب الاول يعرفه كل خافوق= مؤمن وتقوى الله عيشه وزاده
حب الله وحب النبي للملا شوق = من حبهم لازم يحصل مراده
والوالدين اللي تبنوك بشفوق = ترى محبتهم صميم العبادة
وسوق المحبة للبشر كلهم سوق = واحذر يجي فالقلب بغض وحقادة
الحب طاهر مايبا الخبث والبوق = ولايضمه قلب فيه القرادة
يأتي بعدها حب عاشق لمعشوق = حب الشريك اللي معك فالوسادة
لك واجبات وله على شخصك احقوق = ماتقبل النقصان تبغى الزيادة
عطه الوداد وعامل الخل برفوق = ان كان تبغى من حبيبك وداده
والحب الاخر مالنا فيه طاروق = حب(ن) محرم مالنا فيه رادة
وحبك لنفسك واعتبار انها فوق = والناس من دونك تسمى بلاده
مغرور والمغرور لابد ملحوق = واللي زرع له زرع يجني حصاده
قلته وانا قولي مصدق وموثوق = اقرا كتاب الله وتلقى الافادة

لك واجبات وله على شخصك احقوق
ماتقبل النقصان تبغى الزيادة
عطه الوداد وعامل الخل برفوق
ان كان تبغى من حبيبك وداده
والحب الاخر مالنا فيه طاروق
حب(ن) محرم مالنا فيه رادة
وحبك لنفسك واعتبار انها فوق
والناس من دونك تسمى بلاده
مغرور والمغرور لابد ملحوق
واللي زرع له زرع يجني حصاده
قلته وانا قولي مصدق وموثوق
اقرا كتاب الله وتلقى الافادة


الله عليك يآخآل صح لسآنك وعلآ شآنك وبيض الله وجهك..
قصيدهـ في غآية الروعة والجمآل فلا غرآبه فشآعرهآ دومـ فالقمه..
لاعدمتك ولاعدمت ابدآعك..
ودي وتقديري واحترآمي واعجآبي..
علي العبيدي..

حسين العبيدي
صح لسانك
وماشاء الله عليك
قصيدة لايكتبها إلا شاعر محنّك وحكيم

حسين بن مريع العبيدي
صح لسانك على القصيده وبارك الله فيك ولواني اعتب عليكم لعدم تواجدكم مثل اول
والملتقى بوجودك ووجود شرواك من شعراء القبيله يزدهر ويفتخر عموما
نتمنى لك الصحه والعافيه والله يحييك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرنا المتألق / حسين بن مريع


صح لسانك و علا شانك

ابدعت و بيض الله وجهك

علي العبيدي حيا ك الله اشكرك على المرور وبيض الله وجهك فانت لك المستقبل الزاهر في الشعر
تقبل تحياتي

الاخ العزيز صقر المراقيب
شرفني مرورك ووجهك ابيض وماعليكم زود اخي
تقبل تحياتي

الاخ العزيز خالد اللهيبي
شرفني مرورك واشادتكم وانتم ماعليكم زود بيض الله وجهك
اما عتابك لي فاذا عرفت ظروفي واكيد انك تعرفني حق المعرفة فانت تعذرني

الاخ العزيز الحب الباقي
مرورك شرف حفظك الله ورعاك
تقبل تحياتي