( اتمنى التقييم والنقد .... من جميع الشعراء والاعضاء )

/
/
/
/
/
/
/
/
/
/
/
/
/
/
/
اخواني الكرام هذه المحاوره جرت بيني وبين
الاخ الشاعر / ابراهيم العنزي
في منتدى الشاعر / حمد السعيد
وهي أول محاوره اجريها فالمنتديات على لون شعر ( اللقلطه )
رغم ان كثير من الاصدقاء يحاولون ادخالي بهذا المجال
ولكن انا ارفض
والحقيقه دخلتها في منتدى الشاعر حمد السعيد بعد رغبه شديده من الاعضاء
واتمنى ان تنال إعجابكم
واتمنى منكم تقييمها وانكان هناك نقد ترى اخوكم صدره وسيع
واشكر اخوي الشاعر / بدر المزيني
على تنسيقه للمحاوره ومسكته للصفوف على قولته
/
/

ابراهيم العنزي=
في منتدى شاعر و ناقد وباعه طويل=يامرحبا بك تراحيب الوفاء و الفخر
الناس تنظر لجدي النجم و الا سهيل=والحين لابد في عينك تشوف الخطر
خالد عبيد ألأحمدي=
الك البقا مايهلي بالنشاما بخيل=في منتدى شاعر ٍ مشهود له بالدرر
لكن ياوايلي خلّك معايه زميل=قال المثل خاسر ٍياللي تعاند بحر
ابراهيم العنزي=
الوايلي معترف باسمه و ربه وكيل=مايختفي دامه المبدع وراسه سطر
من قام يمدح بنفسه بالكلام الجزيل=قال المثل بانه الكاذب وعلمه فقر
خالد عبيد الاحمدي=
اللي توكل بربه بشره بالكفيل=وياللي تخيل المطر ماضن حولك مطر
وانا بخير ونعم من عند رب ٍ جليل=والله امر عبده يحدث بها للبشر
ابراهيم العنزي=
ياصقر ساس الاصاله وينها يالاصيل=مادمت ياكوكب المريخ تحت القمر
فالمنطقة ماوصلها ياصحيبي خليل=وسكانها ضايعه بين اليسر و العسر
خالد عبيد ألأحمدي=
طبع الاصاله لنا من جيل وارثه جيل=وارجل فينا يعادل خمس مية نفر
والمنطقه مطعمتنا من تمور النخيل=سكانها تدهك اللي ناوي ٍ بالقشر
ابراهيم العنزي=
ترا المنافق نعرفه قيل و فلان قيل=لاكن خسران بالدنيا والاخر خسر
ان كان من نجد والا الخرج ومن القبيل=وبعض العلوم الرديه مالها منحدر
خالد عبيد ألأحمدي=
بعض الحكي يافتى ماضن يقضي حصيل=دايم وسيع الفكر طبعه بعيد النظر
واللي يجيب الشراره عند راس الفتيل=يحسب حساب الخطر يحسب حساب الضرر
ابراهيم العنزي=
يابدر صاحبك تال الوقت صاير حليل=مضيع البوصله ماشاف كيف الجحر
مافيه غيري لـ ليلى ياجماعة خليل=لاكنّ ريّح ولاتقرب حدود الصقر
خالد عبيد ألأحمدي=
يابدر بعض العرب بالوقت صارت تميل=والبيض ياصاحبي ماهو مداقش حجر
حنا لنا في ضلال العز ضل ومقيل=لكن عديم البصر صعب ٍ يلد البصر

صح الله لسانك ولسان زميلك ولي عوده انشاء الله لهذه المحاوره الرائعه

صحت السنتكم ياصقر المراقيب وبارك الله فيكم وكلام على مستوى عالي 0تحياتي

صحت السنتكم ,,,,, ويعطيــــــــــــــــكم العاااااااااااااااااافية ... مير هذا الطاروق ـــ ماهو مقياس لمستواك ــ مع

تقديري واحترامي لشخصك ولشاااااعريتك... القلطة اصعب من النظم ــــ واعمق

الاخ صقر المراقيب صح لسانك
مريت على عجله على المحاوره
البيت الثالث والرابع للعنزي لم توفق بالرد عليهن
ويجوز اني غلطان وجهت نضر لاغيير

صحت السنتكم
والله يـعـطـيـكم الـعـافيـــــــــــة
بيض الله وجيهكم

أخوي صقر المراقيب
المحاورة وجهت نظري فيها جيده وبيض الله وجهك

محاوره رائعه واتمنى لكم التوفيق جميعا وتقبلوا مروري