الوقت علمني

الوقت علمني وكثر التجاريب=وسايرت وقتي وابتدعت المعاني
وابوك ياهالوقت مافيك تطبيب= وانا حظرت وقافك اللي دعاني
قافاً يشوّقني لروس المراقيب= واكوي به اللي فالضماير كواني
بعض الكلام اقوى من السيف ومصيب= لكن مايثّر بقلب الهداني
اللي يوّدي فالسواليف ويجيب= وليا هرج ضيّق عليّ المكاني
أحدٍ فزوعـه لـي حـش العراقيـب=واحدٍ ليـا منـه فـزع لـي شفانـي
ياكثر من نحسن به الظن ويخيب= السن يضحك والجوارح تعاني
وين انت ياصقراً قوي المخاليب= وين انت ياعوني وفرحة زماني
عامين غايب ماترد المكاتيب= وانا مسجلها من اقصى المحاني
تعال وانظر في طعون الاصاحيب= تنزف وفاء ومفطحاتٍ سماني
اباتصبر واكمد الجرح ويطيب= هماً بقلبي ساطياً واحتواني
ويكفيني الله عالم السر والغيب= اللي علي نهج الشريعه هداني

الوقـت علمنـي وكثـر التجاريـب=وسايرت وقتـي وابتدعـت المعانـي
وابـوك ياهالوقـت مافيـك تطبيـب=وانا حظـرت وقافـك اللـي دعانـي
قافـاً يشوّقنـي لـروس المراقـيـب=واكوي به اللـي فالضمايـر كوانـي
بعض الكلام اقوى من السيف ومصيب=لكـن مايـثّـر بقـلـب الهـدانـي
اللـي يـوّدي فالسواليـف ويجيـب=وليا هـرج ضيّـق علـيّ المكانـي
كم واحداً نحسن بـه الظـن ويخيـب=السـن يضحـك والجـوارح تعانـي
وين انت ياصقـراً قـوي المخاليـب=وين انت ياعونـي وفرحـة زمانـي
عاميـن غايـب ماتـرد المكاتـيـب=وانا مسجلها مـن اقصـى المحانـي
تعال وانظر في طعـون الاصاحيـب=تنـزف وفـاء ومفطحـاتٍ سمانـي
اباتصبـر واكمـد الجـرح ويطيـب=همـاً بقلبـي ساطـيـاً واحتـوانـي
ويكفينـي الله عالـم السـر والغيـب=اللي علـي نهـج الشريعـه هدانـي

قصيدة رائعه الله يجمل حالك يابن هليل
تحياتي لك

اللـي يـوّدي فالسواليـف ويجيـب
وليا هـرج ضيّـق علـيّ المكانـي

صح لسانك يابن هليل
قصيده رائعه
لاهنت

الله الله

قصيده رائعه ومن شاعر رائع

صح لسانك وبيض الله وجهك

بانتظار جديدك يابن هليل

تحيتي وتقديري

صح لسانك يابن هليل

وياليت قوست بيت لافي الغيداني

كم واحد تحسن به الظن ويخيب @ السن يضحك والفؤاد معلولي

قصيدة جزلة بارك الله فيك

منصور الغيداني
الله يجمل حالك وسعدني مرورك

عيسي العوفي
صح بدنك ولاهنت واسعدني مرورك

شاعرنا الكبير علي هليل الحربي
شهاده اعتز فيها واعتبرها وسام
علي صدري ووجهك ابيض ولاهنت
واسعدني مرورك

صح لسانك يابن هليل وبارك الله فيك على هالجزاله وتقبل تحياتي

عبدالله الفريدي
اشكرك جزيل الشكر علي تنبيهك لي للاشتباه الذي حصل
مع بيت الشاعر الكبير لافي الغيداني يعلم الله انه جاء معي في سياق القصيده
واسمح لي بتغييره الي ياكثر من نحسن به الظن ويخيب
وكما تعرف بانه مافيه بيت شعر ماقيل وصدري يتسع للاملاحظات والنقد الهادف
ونتعلم منكم واشكرك مره ثانيه