لغز القصيدة المحمومة ورد ابوعبدالعليم

حـم وْحِمـا واحمـا وحمّـا وحـامِ= حامي حمى منْه الحمـاهْ إمْحَمومـه
ربع الرِّبيـع وْرابـع الرِّبـع رامـي =ومرابـعٍ فـي هالربيـعْ إمْعَـدومـه
ودّي بيـدِّي قطـعْ يَـدّ الحـرامـي=ويَدّ البلايـا مـا لهـا مـن لزومـه
وضاوي ضِوَى ضيِّهْ ولِهْ الانضمامي=ضم الضِّميمْ إيضمهمْ فـي ضمومـه
والآخر استاخرْ فـي اْلآخـر لـزام=يَأْخِّرْ عن الآخـر وتظهَـرْ علومـه
أوحَى الوحَا وحي الوحيّ الحِوامـي=لو هو يواحي مـا وحاهـا تحومـه
وطايفْ وطا في واطيٍ فيـه طامـي=طاف وْطفا لِهْ لـى طفيفـه علومـه
لامِـنْ تـحـل الـطَّـفّ اْلاَول ولام=ما اْلومه وضـاع الوفـا إن تلومـه
فيهـا ومـا فيهـا الوفـا والتـمـام= وافي وْوَفَّـاه الوفـا مـن رسومـه
شَـدّ وْشـدا وْشَـدَّدْ وشَـدّ الحـزام=ِواللـي ورا جـدَّامْ جـدَّمْ جدومـه
يـدري ويِـدْرا دارهـا عَ الــدوامِ=وِيْدور وِيْـدَوِّرْ مَـعَ الـدور دومـه
لو جـال بآجـال الوجـال الوجـام=جالهْ جليل الجولْ واجلَـى سمومـه
وْعَادْ وْعدى واعدى وعَدَّى المرامـي=وعاداهْ عـادي عايـدٍ مـن رقومـه
جايـزْ يجازيـه الجـزاه الـجـزامِ=وجايـزْ يجـوِّزْ بالجوايـزْ علومـه
يكتـم كتـامـه والكـتـوم الكـتـامِ=واللـي كتـم كِتْمـانْ كاتـم كتومـه
ضيفٍ يضيف الضّيف والضيف ظامي=يضفي على الضّيفان ضافي عزومـه
كامِلْ مكمَّـلْ واكتمَـلْ فـي الختـامِ=ولـى مـا يكمِّلْهـا الكمالـه نلومـه

بديت بإسم اللي عزيـز الأسامـي=ربـاً عظيـم ولا لغيـره عظومـه
قـادم تقـدم قدمـتـه بالقـدامـي=قـدم تقـدم قدمـتـه بالقـدومـه
جاني كلام اللـي كلامـه كلامـي=كلـم تكلـم كلمتـه مـن كلومـه
الشيخ بن راشـد رفيـع المقامـي=حاكم ولد حاكـم واسمـه حكومـه
لـه الوسـام و لبسـوه الوسامـي=يستاهل وسام الشجاعـه سمومـه
ثالث ثنيـن لـه قـدر واحترامـي=من حرمتـه الله عطـاه الحرومـه
صلى المصلي عن طريق الإمامـي=صلـى وصلينـا صـلاة مأمومـه
الطاء و حرف الفاء ولام التمامـي=فيها حلول اللغـز لـك بالتمومـه
هذي حلول اللغز حسب النظامـي=والزين فأهل الزين تبقـى وسومـه
نـور بدالـه نـور زال الظلامـي=والنور سمي نور يجلى الظلومـه
واليا انتهـى عـام بدينـا بعامـي=والعم و عـم العـم لـه العمومـه
المستلـم سلـم لـه الإستـلامـي=واليا استلم ليل الشتاء مـا ينومـه
ما يفطر الصايم نهـار الصيامـي=لازم يكمل يومـه اللـي يصومـه
نو برق برقـه و دونـه عسامـي=يخيلـه العطشـان ليلـه و يومـه
وأيام ما فيهـا شـراب وطعامـي=وأيـام يكثـر خيرهـا بالنعـومـه
والضيف ضيف الله يضيف الكرامي=واللي يضيف كرام تفرج همومـه
وختامهـا أسلـم و ارد السلامـي=على الزعيم اللـي قويـه هجومـه

والله نقل رائع وجزل من جزل

وننتظر المزيد ياابوحميدان .. لاعدمناك

الله يسلمك........ يامجدي... وسعد اللحظات شوفت الناس الطيبين شرواك ... اما التنسيق والشكل.. عندي اهم شي
المظمون والله يعلم اني اقوم بالواجب.. ودي منك القصايد نبغا نوزعها بمساعدتك لجل تسهل علينا.. تدري بقصايد
ابوعلي ماشالله واجد ... حنا تو فالبدايه وحصلت تكرار كذا ماراح نستفيد ..لو تصنف اقسام قصايد وطنيه... قسم..الغازمع ردودها... قسم قصايد اللمناسبات كالترحيبيه.. وقسم نصوص اجتماعيه الطفل والشيب.. والزواميل والكسرات والمحاورات سوى ... ليتك تنظر وترد علي خبر يابوناب شكررررر

[type=646418]بيض الله وجهك ياجميل على النقل

وبيض الله وجه شاعرنا القدير عبدالكريم المزروعي[/type]

تسلم على النقل الجزيل وصح لسااان الشاعر الكبير : عبدالكريم المزروووعي
ننتظر الجديد من قصائده

بيض الله وجهك