ريكم في هذه المحاورة

يا الربع عطوني رايكم بهذه المحاورة صارت في منتدى قبيلة مطير بيني وبين شاعر يقاله هزاع المهلكي رد وبعد بيتي الثاني انسحب مادري ليش ينسحب عجز لااعتقد انه منسحب عجز مستحيل مادري بيوتي ماعجبته او وش المشكله ابغى رايكم فيها

سلام والمعنى على شاعر مطير =
سلام منـي يالوجيـه الغانمـه =
نبا نشب النار ونزيـد الحطـب =
واللي عقد روس الحبال يحلهـا =
----------------------------- =
نبا نشب النار فاليـوم الخطيـر =
الجيش جاهز والذخايـر والمـه =
ياوين شاعركم يجي تحت الطلب =
واللي عقد روس الحبال يحلهـا =
هزاع المهلكي =
يامرحبا في مرحبـا بـك يالحريـر=
عساك سالم مـع ربوعـن سالمـه =
رح شب نارك وانت في وسط اللهب=
واللي عقـد روس الحبـال يحلهـا =
-------------------------------- =
جيشك ماغار اثنين والماقف عسير=
والنصر رب البيـت ربـي عالمـه =
مافيه شي (ن) يالحبيب ابلا سبـب=
واللي عقـد روس الحبـال يحلهـا =
بيتي الثاني=
الليله المعنى راحتـاُ تستديـر =
هزاع روح كود ربي راحمـه =
تراي انا ماهمني اطلق شنـب =
ولي عقد روس الحبال يحلهـا =
الخيل صكة فيك ماتقدر تطيـر =
العافيـة ماهـي بدايـم دايمـه =
اركي عليك النار وتروح عطب =
وللي عقد روس الحبال يحلهـا =[/poem

]

صح السانك

وبيض الله وجهك

لي عوده

ابدي رايي

انا عندي محاوره الان

وأنا لو اني مكانه تركت المحاورة

ما فيها فكرة ومعنى محدد

لان النوع هذا من المحاورات يتحول الى مهاترات

هذه وجهة نظري والله أعلم

	المشاركة الأصلية كتبت بواسطة الزير سالم

	وأنا لو اني مكانه تركت المحاورة ما فيها فكرة ومعنى محدد لان النوع هذا من المحاورات يتحول الى مهاترات هذه وجهة نظري والله أعلم

فعلاً هو تركها على قولتك لكن انا وجهة نظري ان الطرق ماكل محاورة فيه تحول الى مهاترات لعبوا عليه شعار كبار مثال صياف رحمة الله عليه وفيصل الرياحي رحمة الله وحبيب العازمي طال الله في عمره لاينزلون الى مهاترات شكراً اخوي رايك احترمه وبيض الله وجهك

مازلنا بنتظار رائ بقية الربع

	المشاركة الأصلية كتبت بواسطة محمد عويض البدراني

	فعلاً هو تركها على قولتك لكن انا وجهة نظري ان الطرق ماكل محاورة فيه تحول الى مهاترات لعبوا عليه شعار كبار مثال صياف رحمة الله عليه وفيصل الرياحي رحمة الله وحبيب العازمي طال الله في عمره لاينزلون الى مهاترات شكراً اخوي رايك احترمه وبيض الله وجهك

اخوي محمد الزير مايقصد الطرق .نعم الطرق لعبو عليه شعار كبار
يقصد الابيات لم تحمل فكره ولاتحمل معني بل تحمل تحدي وكلام يدعى للمهاترات
المفروض من بيتك الثاني توضفه بمعني وتناقش فيه