عان الجدي ياصاحبي جنبه سهيل//فهد وسموم القيض

سموم القيض

سلام ردية وفا لرياجيل =الي لهم فالوقت شيمه وقيمه
عان الجدي ياصاحبي جمبه سهيل= بيناتهم خوه ورفقه حميمه

فهد عواضه

يامرحبا واقلط على البن والهيل=الا على جزل الحروف الحكيمه
مايطرب الحلحيل ياغير حلحيل=والخير جعل الله علينا يديمه

سموم القيض

عسا البقا والنار جمب المعاميل =فوسط برن يافهد قدم خيمه
انتم وحنا نعرف العدل والميل= يلي تغني في طروق الوسيمه

فهد عواضه

الحيل تذبح عند من قدره الحيل=ودسم الشوارب يالسنافي غنيمه
انت لفيت وولابس دهلز الليل=للا ياشعيل ماعرفنا وسيمه

سموم القيض

لاتنزل الوادي ويشتالك السيل= متشوف براق الحيا وسط غيمه
انا حزامك فاليال المقابيل= حربي ولانقبل عليكم ظليمه

فهد عواضه

والله مانرضي على مثلك الميل=قلت اجودي جاني بنيه سليمه
ياكثر ربعي حرب يابن المشاكيل=والمحزم االلمطنوخ كارب بريمه

سموم القيض

اصحا تضوي مثل قصت هل الفيل =وتصبح علا ربعل تراها وخيمه
حنا ورثنا الطيب جيلن بعد جيل= نصخا ونمسح دمعتك ياليتيمه

فهد عواضه

انا اعرف المخراج قدم المداخيل=ولاتشيل هم اهل العقول الفهيمه
انت اجودي واللي يسل المصاقيل=مادس راسه من ردات العزيمه

سموم القيض

امسح دموعك يافهد بالمناديل=قدمك رجال روحت بالهزيمه
بعض العرب وقت الملاقى مخاييل=ياليت ينتق ثم يعطي الخريمه

فهد عواضه

ادري ان مالك بالسطاوه محاصيل=واللي سواتك ماله الا حريمه
بعض العرب طيب وحبوب وحليل=يخلعه صلف الوقت باسه وضيمه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسااااانك

بيض الله وجيهكم يالربع

ياسلام اخوي فهد
صح السانكم وبيض الله وجيهكم
قاااف وابدااااع واستمتاااع بفنون الشعر
لاهنت يافهد المخلفي ولاهان سموم القيض
سجل اعجابي

صحت لسنتكم يا شعارنا ماقصرتم