قصيدة للشاعر : (( عبدالله المقاطي )) ...

أيها المتصفح الكريم يسعدني أن أضع أمام ناظريك هذه القصيدة
وهي عبارة ً عن رد ثناء على ميقاف ٍ مشرّف قام به الأخ العزيز :

(( صالح بن محمد بن محارب البشري ))
فقال المقاطي :

القاف درهم وأنا مغرم بدرهامه=قدّام راس القلم والطيب ناوينه
الطيب من يفعله يلقاه قدّامه=يلقاه يوم القيامه في موازينه
كم واحد ٍ فعله أبيض يرفع الهامه=يجلا الملامه ليا من قام في حينه
أمثال (أبو وايل)* الله يمهل أيامه=اللي مواري فعوله كلــّـها زينه
الهينه داسها بحذاه واقدامه=والطــّـيبه حبلها لاويه بيدينه
البيض مني عليه ثياب وعمامه=تكسيه من راسه ليا حد رجلينه
نادر حرار ٍ نجيب وطيــّـب الخامه=وأبوه سنــِّـه على الطـّـيب وميادينه
من روس ربع ٍ على الطولات جزّامه=من لاذ فيهم تهنــّـا وأمرحت عينه
حرب الحرابه سنام المجد وزمامه=وسيوفهم نصرة ٍ للحق ومعينه
ياسعد منهم نهار اللآزم حزامه=أنشهد إنه بحول الله قضى دينه
والقاف والله للاي مجوّد خطامه=معاد يهدأ ولا تهدأ مجانينه
لكن أبا أنوّخه وأبا أعلن ختامه=بأزكى صلاة ٍ على اللي كامل ٍ دينه

الشـــــــــــاعر :
(( عبدالله بن سعد المقاطي العتيبي ))
وعندما سمع القصيدة الشاعــــر الكبيــــر والمعروف :
(( حمــــّاد بــن مريزيـــق البشــري ))
نالت إعجابه فقام بمجاراتها بالقصيدة التالية :

أبدأ بإسم من ذكر موسى مع غلامه=أرسى البحر وافلقه وأغرق معادينه
اللي لوجهه صلاة العبد وصيامه=جل ّوتعالا بسد الغيب راجينه
من بعد ذكره خفوقي وردة إحيامه=على مرد الثــّـنا اللي في مضامينه
قاف ٍ سمعته يشوق القلب بلهامه=دافع وفاء من مباديه وعناوينه
من شاعر ٍ يجمع التاجين بوسامه=الشعر والعلم بدراكه وتثمينه
رد الثناء من سجايا الطيب واقسامه=لولاه بيض المواقف مالها عينه
الطيب عد ٍ شروع الورد بجمامه=ما مات دام أهل الطولات محيينه
يا أبوسعد بالنقــّـاء والعرف وإلمامه=الطــّـيب يثمر بذاره في ميامينه
أنته زبونه وأبو وائل من اعلامه=يفداك من تقطع المعروف سكــّـينه
أنتم دلايل سباق الطــّـيب وكرامه=بالحــِـيل والهيل كيل الصاع موفينه
ذبــّـاحة الحــِـيل للأخصام لطــّـامه=سبع القبايل نقاء الهيلا مقرّينه
تمـّـت وصلـّـوا على المبعوث بحسامه=لين أذهب الشرك وإنزالوا سلاطينه
أشرف نبيا ً يقوم الليل ما نامه=فضل ٍ من الله على اللي مستحقــّـينه

(( حمــــــــّـــاد بــن مريزيــــــــــــق البشــــــــــــــــري ))

الشاعر بن القبيله
مشكور على النقل الجميل
وفيت وكفيت ويستاهل الطيب من يسويه
وصح لسانك وصح لسان الشاعر عبد الله المقاطي
وصح لسان الشاعر الكبير أبو زيد حماد بن مريزيق البشري

صح السان الشعار

وبيض الله وجهك على المنقول

صح السان الشعار

منقول رائع

صح السنت الشعار

و بيض الله وجهك

صح لسان الشعار

و بارك الله فيك

الأخ ابن القبيله

مشكور يعطيك العافيه

ماقصرت بيض الله وجهك

نقل رائع لقصائد رائعه ومتميزه

وصح الله لسنت الشعار

ويستاهل الطيب العلم الغانم

تقبل تحياتي

ودمت بخير

السلام عليكم ورحمة الله وبركاته

اشكر الجميع على هذا الثناء عسى ان يكون ماعملناه لوجه الله تعالى

	شكرا لك اخوي وصح لسان كل من الشعار همــ الورود ــس