رجل بلا ربعه ضعيف ومضهود

01-10-09, 05:59 PM

هذه قصيده قلتها بمناسبة حفل الرشود من عوف من قبيلة حرب...
والانتها من تأليف الكتاب والذي يخص فخذ قبيلتي الرشود واصدار الشجره الخاصه بهم والتي اصدرها الاستاذ سعود بن سعد بن حمود الرشودي..وفقه الله

هات القلم واكتب لي القول ياسعود=ابيات من تأليف عيسى الرشودي
حسب التسلسل واحذر النقص والزود=هرج بلا معناه مامنه فودي
ماريد يلحقني من الشعر منقود=ولاني على بعض الكلام محدودي
وجميع مايلفض من القول موجود=يحفظ ويوم البعث ضمن الشهودي
يالله بنا رحماك ياخير معبود=لطفك وعفوك لادخلنا اللحودي
ومن بعد ذا للشعر معنى ومقصود=يوم احضروا ربعي سلائل جدودي
سعيا لبو نايف راع الطيب والجود=يشكر على مايبذله من جهودي
سلام مني عد ماتذري النود=وعدد حصى الحره ورمل النفودي
سلام ياربعي بلاحد محدود=ذخري وفخري كل واحد رشودي
ورجل بلا ربعه ضعيف ومضهود=لو رأس ماله فاق كل الحدودي
ربعك ذراك ان ضدك الوقت بضدود=يقفون كل في وجوده يجودي
من طارف ربوعك ليازارك أوفود=اضحك لهم خلك بشوش ودودي
واياك والنمه ترى النار من عود=تبدا شراره كان زيدت تزودي
يشبها بين الآجاويد مقرود=ولا ولعت ينحاش عنها الشرودي
يحرق سناها الطيبين وهل الجود=ويفرح بها القلب اللغيد الحسودي
وهذ خراب الساس ناقد ومنقود=فرقا وشتى اسم بليا وجودي
والعز والله طاعتك خير معبود=طاعة قوي كلنا له سجودي